KOMUNIKADO DI KUERPO POLISIAL KÒRSOU TOPIKO: Resúmen di aktividatnan polisial durante Marcha di despedida hubenil 2017

KOMUNIKADO DI KUERPO POLISIAL KÒRSOU
064 / 2017

27 febrüari 2017
Resúmen di aktividatnan polisial durante Marcha di despedida hubenil 2017
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Resúmen di aktividatnan polisial durante Marcha di despedida hubenil 2017:

Kòntròl di e Departamentu di pèrmit di MEO (ku asistensia)Kuerpo Polisial: 
A tene kòntròl adishonal riba 29(bintinuebe) establesimentu ku durante kòntròl anterior mester a hasi algun adaptashon. 

A sera 1 di e lugánan aki na e parti kaminda ta bende kuminda.
Kòntròl di Milieu Dienst Milieudienst a kontrolá e kantidat di desibèl di bandanan i DJ na diferente punto riba e ruta.

Pa resultado di e midimentu aki tuma kontakto ku Milieu Dienst.

Vehíkulonan ku a falta ku regla: 

A transportá algun vehíkulo ku tabata mal pará òf ku tabata opstakulisá tráfiko òf ku no tabata kumpli ku lei. (entre otro na de Rouvilleweg, Mgr. Verrietweg, Koningstraat). A tou e vehíkulonan aki ku kran i hiba nan riba e tereno di Isla Verde. E doñonan por pasa tuma e vehíkulonan aki despues ku nan bai paga pa e transpòrt ku kran. Esnan ku tin defektonan tékniko òf no tin e dokumentonan rekerí na òrdu mester regla esakinan tambe promé ku por bai ku e vehíkulo i tin ku bai ‘HCC terrein’ (kurá) bai atendé asuntu di nan vehíkulo.

Polis ta súplika un i tur ku si nan a bira víktima di kualke kiebro/robo den outo òf den kas inkluso riba e ruta di karnaval òf den bisindario di kaminda e marchanan di karnaval ta pasa pa kòrda hasi denunsia na kualke warda di polis.

Fin di relato.