ENKUENTRO INFORMATIVO TOKANTE DIGITALISHON DI KOLEKSHON DI PÒTRÈTNAN NA ARCHIVO NASHONAL.
ENKUENTRO INFORMATIVO TOKANTE DIGITALISHON DI KOLEKSHON DI PÒTRÈTNAN NA ARCHIVO NASHONAL.
Willemstad – Na aña 2016 Archivo Nashonal ku ta pertenesé na Ministerio di Maneho di Gobernashon, Planifikashon i Servisio Públiko a lansa nan ‘DataBase’ di imágen (beeldbank). E DataBase aki ta digital i ta aksesibel via di internèt. E ta kontené e kolekshon di pòtrètnan ku nan tin wardá na e instituto aki . Pa tur esnan ku ta interesá den e míles di pòtrètnan por konsultá e página wèp di Archivo Nashonal di Kòrsou ku ta http://www.archivonashonal.cw.
Archivo Nashonal tin un kolekshon di potrèt hopi grandi. Ainda falta hopi potrèt ku mester wòrdu di scan i deskribí pa asina nan por ser añadí na e DataBase di imágen. Di e manera aki mundu kompletu lo por tuma nota di imágennan históriko di nos dushi isla via nos página wèp.
Archivo Nashonal ta buskando personanan ku ke yuda den trabounan pa digitalisá i òf deskribí e imagenan. Nos ke invitá tur esnan interesá na un enkuentro di informashon djárason benidero, 8 di mart. Di e manera aki risibí asina mas informashon di nos DataBase di imagen ku ta online i alabes keda informá kon bo por kontribuí na e DataBase di potrèt.
E anochi informativo ta tuma lugá djarason 8 di mart 2017. Di 7or pa 9or na Nationaal Archief Curaçao (Scharlooweg 77-79). Por reservá via Hunneley.Felicia@gobiernu.cw of via nos Facebook pagina Archivo Nashonal Kòrsou (pa mas tardá dia 7 di mart).