Ministerio Publiko ta informa: 

Info OM:

Djaweps 9 di mart 2017 ta sera e findishi riba 82 outo, boto, motosaikel, skuter, seadoo i otro artíkulonan ku Ministerio Públiko (OM) di Kòrsou pone na benta via e wèpsait https://bva-auctions.com/auction/lot/23297 

Ya kaba e artíkulonan di OM riba e wèpsait a keda bishita 46.000 biaha dor di interesadonan internashonal.  

Riba tur 82 artíkulo tin ‘bieding’ hasí. Manera kos ta pinta awor, tur artíkulo lo keda bendí. E entrada di e findishi ta bai pa fondo di kriminalidat.

E artíkulonan ku ta mas popular ta un motosaikel Suzuki, un trùk International ku kran, un boto Boston Whaler, un Toyota Tundra pick-up, un boto luhoso Powerboat Sport i un outo Hyundai i10.

E findishi ta sera ofisialmente mayan, 9 di mart 18:30 or, ora Ulandes, pues 13:30 or, ora di Kòrsou.  Tin pues algun ora mas ku por hasi oferta pa kumpra. 

Kòrda ku si un persona ta interesá pa kumpra un artíkulo, e persona mester ta registrá riba e wèpsait.Tur montante menshoná riba e findishi di OM ta na dòler Merikano. Pago, ora gana, tin ku tuma lugá via banko.