KOMUNIKADO DI KUERPO POLISIAL KÒRSOU Kontròl riba establesimentu di Horeca.

KOMUNIKADO DI KUERPO POLISIAL KÒRSOU
073 / 2017
10 mart 2017
Kontròl riba establesimentu di Horeca.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 9 di mart 2017, den oranan di anochi Departamento di Pèrmit di Polis konhuntamente ku Departamento di Imigrashon, personal di UST i personal di M.E.O. a tene kòntròl riba diferente establesimentu di Horeca. A kontrolá un total di seis (6) establesimentu di Horeca i tur kos tabata na òrdu.
Durante di e kontròlnan a kontrolá 35 persona di kual diesun (11) persona di sekso femenino no tabata tin e dokumentunan nesesario pa por permanesé riba nos isla.
E diesun (11) personanan a keda detené i Departamento di Imigrashon a keda enkargá ku e investigashon.