Torneo di 5 vs 5 di Kampionato di Dama lo yega na su final! Djadumingu 12 di mart 5’or na tereno di FFK!
Torneo di 5 vs 5 di Kampionato di Dama lo yega na su final! Djadumingu 12 di mart 5’or na tereno di FFK!
Despues ku Kampionato di Dama a ranka sali dia 12 di febrüari último ku un torneo di 5 vs 5, djadumingu aki 12 di mart e torneo aki lo yega na su gran final, 5’or di atardi na tereno di FFK. E 2 ekiponan ku lo batayá pa e titulo máksimo ta Hubentut Fortuna i Subt 2, miéntras Willemstad 1 ku Subt 3 lo kompetí pa e terser i di 4 puesto.
E ekiponan ku a partisipá na e torneo ta Hubentut Fortuna ku 2 tim, Willemstad ku 2 tim, Vesta ku 2 tim i SUBT a partisipá ku 3 tim ku total ta forma 9 tim. Tabata repartí e tereno den 4 vèlt chikí i e partidonan a tuma lugá mesun pareu. Kada dia ta tin 3 sèt di partido ku ta tin un durashon di un ora.
E meta di e torneo di ‘warm up’ aki ta pa stimulá e desaroyo di futbòl di dama. Den luna di aprel lo tin e Kampionato pa Dama di 7 vs7 i den ougùstùs lo tin e kampionato di 11 vs 11. Tur e diferente torneonan aki ta forma parti di e preparashon pa e diferente selekshonnan ku lo bai representá nos den eskterior durante e aña aki. Nos selekshon di dama senior lo biaha den luna di mei, e U-20 lo representá nos na luna di yüli, esun di U-17 lo a den luna di ougùstùs miéntras e U-13 lo biaha den luna di òktober 2017. Pues e aña aki nos dama nan lo bai represntá nos den diferente kategoria i den diferente kampionato internashonal.
Resultadonan di partidonan anterior :
Hub. Fortuna 1 vs Vesta 1 4-1
Subt 3 vs Subt 2 2-1
Hub. Fortuna 2 vs Vesta 2 3-1
Willemstad 2 vs Willemstad 1 1-3
Vesta 1 vs Willemstad 2 3-1
Subt 3 vs Hub. Fortuna 1 0-3
Hub. Fortuna 2 vs Subt 1 3-1
Vesta 2 vs Willemstad 1 0-7
Willemstad 2 vs Vesta 2 4-0
Hub. Fortuna 1 vs Subt 2 0-1
Willemstad 1 vs Subt 1 2-0
Vesta 1 vs Hub. Fortuna 2 1-0
Tabla di posishon:
WH WG WE WP Pt GF GK Saldo
1 Hub. Fortuna 1 8 7 0 1 21 27 4 23
2 Subt 2 8 6 1 1 19 17 5 12
3 Willemstad 1 8 4 3 1 15 19 7 12
4 Subt 3 7 4 2 1 14 12 8 4
5 Vesta 1 8 3 1 4 10 8 11 -3
6 Hub. Fortuna 2 8 3 1 4 10 9 13 -4
7 Subt 1 8 2 1 5 7 6 16 -10
8 Willemstad 2 7 1 0 6 3 8 15 -7
9 Vesta 2 8 0 1 7 1 6 33 -27
70 30 10 30 100 112 112 0
Partido pa terser i di 4 puesto:
Djadumingu 12 mart 17 17.00 Willemstad 1 vs Subt 3
FFK
Gran Final:
Djadumingu 12 mart 17
17.00 Hub. Fortuna 1 vs Subt 2
FFK
FFK ta invitá hinter e pueblo di Kòrsou pa asistí na e partidonan aki. Bin ku hinter bo famia i bin presensiá kiko tur e damanan aki tin aden. Tur e partidonan nan aki ta gratis!
Nos ta wardabo!
10 mart 2017