‘AVP TA BAY INVERTI OTRO BILLION FLORIN DEN ORANJESTAD ESTA CAYA WATTY VOS !

BENNY NISBET (PPA):
‘AVP TA BAY INVERTI OTRO BILLION FLORIN DEN ORANJESTAD ESTA CAYA WATTY VOS !
PPA su pregunta esencial na Gabinete Mike Eman (AVP) ta: Unda e inversion den ‘Diamantbergweg, Juana Mortostraat y Caya Lord Boxoe’ na San Nicolas a keda ? Unda desaroyo nobo priminti na San Nicolas a keda ? Unda e fondo a keda pa inverti den termina e Carnival Village y e Carnival Museum na San Nicolas …..unda inversion a keda den un Hotel na San Nicolas ? Despues cu e gobierno di AVP a stimula inversion den otro Hotel net pariba di nos Aeropuerto awor pueblo a tuma nota di e informacion cu gobierno di AVP lo inverti un suma di 460 million dollar esta 800 million florin den e caya Watty Vos boulevard. Pabien na pueblo di Oranjestad !! Pero PPA mester usa e momento aki pa puntra UNDA e finanzas a keda pa termina Carnival Village(?) y e Carnival Museum na San Nicolas ?? Unda inversion a keda den infrastructura pa un of mas Hotel na San Nicolas ? Unda e finanzas a keda pa a inverti y drecha ‘Diamantbergweg , Juana Mortostraat y caya Lord Boxoe (x Nijhoffstraat) na San Nicolas (?) …..Unda e casnan a keda cu lo a bai construi/ den bario di Rooi Hundo y Juana Morto na San Nicolas pariba di Emanuelkappel. Unda e finanzas a keda pa a inverti den ‘mantencion y expancion’ di e warda di polis na San Nicolas cual a worde priminti awor casi OCHO anja pasa ?? Shonnan ta OCHO anja ta pasando ……Unda e finanzas a keda pa inverti den San Nicolas ? Mester realisa cu inversion di CITGO den e Upgrader anto ainda esaki ta cologa ta un inversion priva y no ta inversion di gobierno den algo nobo pa stimula desaroyo na San Nicolas.
PPA no ta contra e inversion den caya Watty Vos na Oranjestad pero si nos ta cuestiona e prioridad na e momento aki y nos ta accentuele den e forma aki pa pueblo di San Nicolas realisa cu gabinete Mike Eman (AVP) NO a cumpli cu su promesa na San Nicolas durante eleccion 2009 cu San Nicolas lo tabata PRIORIDAD number UN. Si nos pone e inversionan na Oranjestad un rato riba mesa:
ORANJESTAD:
p.e. * Hospital Oranjestad……………………………… Un billion florin !!
* Green Coridor Oranjestad pa Pos Chikito Un billion florin !!
* Awor Caya Watty Vos casi…………………… Un billion florin !!
* E STREET TROLLEYS un………………………….. 5/600 mil florin !!
* Drecha cayanan di Oranjestad pa e rails .. 4 million florin !!
* Drechamento di caya G.F. Betico Croes, inversion den LG Smith boulevard y varios otro
caminda na Oranjestad …………………………..un otro UN billion florin !!
Cu otro palabra Gab Mike Eman (AVP) a inverti un 4.5 billion florin of 4500 million florin den Oranjestad…..y ainda AVP no a logra pa Oranjestad florece debidamente.
Un vez mas PPA ta di acuerdo cu mester hasi cierto inversion den Oranjestad …y nos tambe tin nos vision pa desaroyo di ‘Oranjestad nos capital’. Pero AVP a priminti e pueblo di San Nicolas cu San Nicolas lo tabata Prioridad number UNO….y apenas un 30/35 million(den DOS periodo di gobernacion) a worde inverti den algun scol, un par di klinkers, poco sleeping police y un parke subida di Lago Heights y e asina jama Carnaval Village cu NUNCA NO a worde construi locual a worde construi simpelmente un Plaza pero nada di Carnaval Village lo a continua cu ‘fase dos’ pero NADA y unda e Carnaval Museum a keda (?) NADA ….. NADA MES cu lo a impacta e economia di San Nicolas den e centro commercial di San Nicolas. Ultimo a larga algun artista pinta riba muraya na San Nicolas bunita pero masha poco realmente tin di haber cu historia y e parti multicultural cu San Nicolas ta representa. Tur esaki ‘ad hoc’ como cu AVP simpelmente NO tabatatin un vision pa desaroyo real di San Nicolas. Y por agrega NO gobierno di AVP pero Monumentenfonds a inverti den nos Watertoren y Edificio x Nicolas Store. Tur esaki for di e programa di PPA pa anjas cu a worde ejecuta ‘ad hoc’ sin un vision debido …pesey NO tin progreso real na San Nicolas.
AVP a PARA e expancion di e Clinica dr Engelbrecht cu tabata den su expancion OCHO anja largo !!
AVP NO a presenta un vision pa desaroyo di San Nicolas !!
San nicolas lo hanja un Upgrader den lugar di e refineria….cual Upgrader lo tin 80 % trahador cu lo worde treci di exterior pero cual NO ta percura pa ningun desaroyo NOBO cu a worde priminti door di e actual gobierno AVP na pueblo di San Nicolas.
PPA lo inverti den San Nicolas basa riba nos vision cu ta carga e titulo di ‘San Nicolas, Our Caribbean Town y nos AGENDA for San Nicolas na un forma responsabel. Segun e presupuesto permiti nos lo inverti na forma ‘balansa’ den tur districto di Aruba tambe.
DISTRICTO DI NOORD:
Desde cu PPA a presenta e mocion den parlamento na 2004 den cual PPA a argumenta cu districto di Noord tin derecho riba un Mavo/Havo/VWO y e mocion aki a pasa parlamento Unanimamente ningun signatura NI MEP NI AVP no a duna e projecto aki prioridad. MEP No a pone e fondo aki disponibel na 2005, 2006, 2007 y 2008 !! Despues di eleccion na 2009 cu AVP a gana a tende cu MEP a larga un suma atras destina pa e projecto aki pero cual finanzas AVP a usa pa e ‘street-trolleys’ na Oranjestad. PPA ta puntra publicamente na gabinete Mike Eman (AVP)….UNDA e finanzas a keda pa ejecuta e MAVO-HAVO-VWO na Noord a keda ? Ki dia ta inicia cu e projecto basa riba mocion di PPA ??
Tur districto ta forma nos Aruba stima y nos di PPA lo tene debidamente cuenta cu esaki. PPA lo bin bek riba contenido di nos vision ‘San Nicolas, Our Caribbean Town’ y Our San Nicolas AGENDA.
Aruba, 19 di maart 2017 Lider Politico di PPA
BENNY NISBET