“… Politika no ta wega! Ni ta gera tampoko! Segun Gwendell Mercelina Jr. di Un Kòrsou Hustu…”

“… Politika no ta wega! Ni ta gera tampoko! Segun Gwendell Mercelina Jr. di Un Kòrsou Hustu…”

WILLEMSTAD – Un nashon hóben i den desaroyo manera Kòrsou, ku apenas konose 78 aña di nos estado di derechi demokratiko parlamentario ta markando diferente pouta.

Den e ultimo lunanan sigur riba e senario polítiko ta masha hopi desaroyo a bini ta sosede, kual por konfundí esnan di ku ta biba riba nos pais. Awendia tin e pensamentu ku hopi hende ta mira politika komo un gera o wega di strategia pa changa otro, kaminda populismo i sensashonalismo ta penetra den e pilarnan fundamental di nos estado. Kaminda ta tochi integridat di otro, i ta hustifika kosnan robes i nepotismo den e senario manera nada no ta pasando.

Remarkabel ta e echo di presensia dje hóben bou di 35 ku a marka historia elektoral den Elekshon di Staten 2016 ku mas tantu voto, Gwendell Mercelina, Jr. komo number 2 di Un Kòrsou Hustu. Konosi anteriormente komo e Presidente di Parlamentu Hubenil ‘Hóben Goberná’ ku mas voto tambe alkansa den historia i semper sivikamente hopi aktivo riba e ambito di liderazgo i formashon di nashon.

Despues di hopi rumor rondo di su posishon polítiko i sigur su presensia relativamente trankil den e senario e la marka diferensia komo un polítiko konsistente ku ta loyal, dinamiko, i konfiabel. Alabes e politiko yòng aki a akapará hopi atenshon ku e inhustisia ku e la eksperensia riba e tereno laboral despues di su anunsio ofisial komo polítiko, kaminda e la sa di sali viktorioso.

Polítika ta eksígi un rèspèt i desensia, polítika ta siña nos kada unu pa balora nos senario i kompronde nos sistema, i ta duna nan e oportunidat pa midi skèrpi e balansa i diferensia entre e hende i e polítiko, e poder i e kousa, e ego i e interes.

E bos mas demokratiko i transparente ku un suidadano tin ta ser refleha den un elekshon. Ku elekshon na kaminda awor nos ta na un krusada nobo pa enfoka i sigui traha riba un nashon mas konsiente, mas skèrpi, mas gradesido, mas stabil, mas fuerte, mas uní i mas hustu! Pues ta un oportunidat pa komunidat skohe konsiente dirigí riba e hendenan ku por traha i refleha mas serka riba e loke nos ta desea.

Gwendell ta kere firmemente ku e momentu aki ku por ta dubioso ta hasi ku nos mester saka un manera kon pa fortifiká nos desishonnan, i para stabil pa algu bon, i semper bai mantene positivismo.

E posishon ku frakshon Un Kòrsou Hustu a eherse den nos senario pa medio di Parlamentario sra. Omayra ‘LOVE’ Leeflang, ta unu sabio, stabil i solido, kual ta salbaguardia nos nashon den no skohe un kampo pero traha komo ‘watchdog’ pa un bienestar general. Fo’i inisio semper a para pa e vishon i aserkamentu di Un Kòrsou Hustu a duna e balansa realistiko di nos pais den akshon, i a presentá semper komo relevo e novùm polítiko Gwendell Mercelina.

Un Kòrsou Hustu semper a para stabil riba su puntonan di lansa kual ta enfoká riba tópikonan prinsipal di desaroyo sosial, trabou, bibienda, hubentut, penshun, ekonomia blou, enseñansa, pa menshoná algun punto primordial.

Un Kòrsou Hustu su vishon i konsekuentemente su forma di hiba polítika ta unu diferente, p’esei tambe e invitashon pa interkambia i komparti nos idealnan pa un Kòrsou kaminda tur hende ta konta!

Na apertura di kampaña, Djabièrnè, 24 di mart 2017 na SEDE di Partido Un Kòrsou Hustu riba Kaya Andruw Jones 31 – 33, Brievengat. Kuminsando for di 7’or di anochi (19:00).