KOMUNIKADO DI KUERPO POLISIAL KÒRSOU Kaso di hogamentu

KOMUNIKADO DI KUERPO POLISIAL KÒRSOU
094 / 2017
27 mart 2017
Kaso di hogamentu
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 26 di mart 2017, alrededor di 22.55 or, Sentral di Polis a risibí notifikashon di un kaso di hogamentu ku a tuma lugá den un pisina na un kas den Julianadorp. For di un investigashon ku polis a hasi a resultá ku un hòmber a bai tira kabes den e pisina. Dado momentu esnan presente na e kas a tuma nota ku e hòmber aki a tarda pa bini bek ariba i a disidi di bula den awa i a hañe den fondo di e pisina. Ambulans ku a presentá na e sitio a reanima e viktima pero sin resultado. Dòkter di polis ku a yega na e sitio, a konstatá morto di e hòmber Carlos Alberto Winkel nasé na Kòrsou di 33 aña di edat. Riba òrdu di fiskal di Ministerio Publiko a tuma e kurpa sin bida den beslag pa mas investigashon.