Seshon públiko pa numerá i otorgá koló na listanan di kandidato

Seshon públiko pa numerá i otorgá koló na listanan di kandidato

Pa kumpli ku stipulashon di artíkulo 33 di Reglamento Elektoral di Kòrsou, Konseho Supremo Elektoral a tene un reunion públiko djaluna 3 di aprel 2017 pa 10or di mainta na edifisio di Asuntunan Públiko (Kranshi) pa disidí riba numerashon i koló di listanan di kandidato pa elekshon di Staten 2017.

Durante e reunion públiko a duna oportunidat na agrupashonnan polítiko pa indiká nòmber di e agrupashon polítiko manera ta deseá pa e nòmber aparesé riba e lista di kandidatonan pa elekshon binidero.

Den e sekuensia disidí pa lòt, durante e reunion públiko, presidente di Konseho Supremo Elektoral a anunsiá e numerashon i koló di kada agrupashon politiko manera e lo partisipá na elekshon 2017.

Kòrsou di Nos Tur NR. 1 ZILVER
Un Kòrsou Hustu NR 2 VIOLET
Partido Inovashon Nashonal NR 3 LICHT BLAUW
Partido Alternativa Real (PAR) NR. 4 GEEL
MAN NR.5 BLAUW
Partido Nashonal di Pueblo (PNP) NR. 6 GROEN
Frente Obrero-Partido Aliansa Nobo NR. 7 ORANJE
Movemento Futuro Kòrsou (MFK) NR. 8 WIT
Pueblo Soberano NR. 9 CRÈME
Movementu Kousa Promé NR. 10 GRIJS
Movementu Progresivo NR. 11 MAGENTA

Atentamente,

Presidente Konseho Supremo Elektoral
Drs. Raymond (Pacheco) Römer