KOMUNIKADO DI KUERPO POLISIAL KÒRSOU Kontròl riba establesimentu di Horeca.

KOMUNIKADO DI KUERPO POLISIAL KÒRSOU
115 / 2017
10 aprel 2017
Kontròl riba establesimentu di Horeca.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 8 di aprel 2017, for di 23.30 or Departamento di Pèrmit di Polis konhuntamente ku Departamento di Imigrashon, personal di UST, personal di M.E.O., B.A.B. i S.V.B. a tene kontròl riba diferente establesimentu di Horeca. A kontrolá un total di kuater establesimentu di Horeca, na entre otro Bargestraat, Kaya Charles Maduro i dos establesimentu riba Gosieweg. Tur kuater establesimentu a keda será pa no kumplimentu ku regla. Durante di e kontròlnan a kontrolá 24 persona di kual diesdos persona no tabatin e dokumentunan nesesario pa por permanesé riba nos isla. E diesdos personanan aki a keda detené i Departamento di Imigrashon a keda enkargá ku e investigashon.