KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Subway ta deseá éksito na atletanan lokal partisipando den Carifta Games

Subway ta deseá éksito na atletanan lokal partisipando den Carifta Games

Willemstad, Kòrsou: Durante luna di mart i te ku e siman aki, Subway a tene su kampaña antisipando e próksimo weganan di Carifta Games. Tur siman a saka ganador den e kampaña i tur ganador a risibí 2 entrada pa bai mira atletanan di Kòrsou partisipá den e kompetensianan e siman aki. Durante e dianan 15,16 i 17 di aprel próksimo Kòrsou ta sede di Carifta Games i esaki riba su mes ta un gran oportunidat pa atletanan lokal sobresalí. Subway semper a sostené inisiativanan deportivo na unda e atleta lokal ta sentro di atenshon. Ehekutivonan di Hucor Holding NV i restorantnan di Subway ta deseá tur boluntario i atletanan partisipante hopi éksito i ta spera ku tur esfuerso ku nan a hasi durante di entrenamentu keda koroná ku medaya. Ta importante sí pa hasi menshon; tur ku ta partisipando, ya kaba ta un ganador!

Tokante Carifta Games:
E kompetensia aki ta sumamente importante pa nos atletanan lokal. Carifta Games ta un kampeonato di atletismo ku a wòrdu lantá pa fortifiká e lasonan den islanan karibense di abla Ingles. Despues a amplia pa esnan di abla franses i ulandes. Jamaica ta e pais ku mas tantu medaya, i te ku e dia di awe Usain Bolt tin e rèkòrt riba 200 meter. Kòrsou te ainda a logra di gana 1 medaya di plata i 3 di bròns. E aña aki, kos lo kambia! Pa mas informashon tokante di Carifta Games por bishita http://www.carifta2017.com

Subway ta invitá pueblo di Kòrsou pa akudí masalmente na SDK pa apoyá nos atletanan i presensiá e kompetensianan. E Carifta Games Special di Subway konsistiendo di un 6 inch Beef Pastrami Sub, 1 apel kòrá i un Powerade lo ta optenibel te ku awe. Bishitá Subway Brievengat, Saliña, St. Maria, Rio Canario, Sta. Rosa, Mahaai, Punda, Brionplein i Boulevard i disfrutá!

639114718427035"
639114718427035"