Karchi di Vota

Karchi di Vota

Willemstad – Ta konosí ku no ta logra parti karchi di vota pa tur votadó registrá, na nan bibienda. Esaki ta konta pa tur elekshon i ta konsekuensia di un retraso den e sistema di adrès riba nos isla. Pa e personanan ku te ainda ta biba na un kaya sin nòember i un kas sin number (ku nan mester a haña di ROP) i pa e personanan di kual Kranshi no sa unda nan ta biba i si nan ta biba na Kòrsou mes. Pa loke ta trata e dos gruponan aki ta imposibel pa entregá un karchi di vota na nan kas. Tambe ta asina ku C-Post no ta logra repartí tur karchi ku Kranshi entregá nan.

Pa elekshon di 28 di aprel un total di 4.523 no a risibí un karchi di vota, di kual:
– 1.195 persona no tin un adres ku un nòmber di kaya i un number di kas;
– di 2.147 persona no ta konosí unda nan ta biba, pues si nan ta na Kòrsou si of no;
– pa 1.181 persona C-Post no a logra entregá un karchi di vota.

Esaki ta nifiká ku pa elekshon benidero di 28 di aprel, 3,8% di tur votadó registrá no a risibí un karchi. Na elekshon di 2016 e kantidat aki tabata 5,4% (esta 6.453 persona).

Na tur elekshon a bira un kustumber ku riba e dianan promé ku esaki i riba dia di elekshon mes tin oportunidat pa buska un duplikado di e karchi. E biaha aki esaki tambe ta e kaso.

Atentamente,

Presidente interino Konseho Supremo Elektoral
Charles Do Rego

This site uses Akismet to reduce spam. Learn how your comment data is processed.

%d bloggers like this: