MINISTER PRESIDENT SR. GILMAR PISAS A LOGRA LOS E PROJEKTO 11.25 MION EURO PA DRECHA 5 BARIO NA KORSOU.

MINISTER PRESIDENT SR. GILMAR PISAS A LOGRA LOS E PROJEKTO 11.25 MION EURO PA DRECHA 5 BARIO NA KORSOU.

Ku hopi satifakshon e Gobièrnu di Kòrsou, enkabesá pa Minister President sr.Gilmar “pik” Pisas a logra lòs e suma di 11.25 EURO ( 22 mion florin) e magno proyekto di Union Europeo pa drecha 5 bario. Ta trata aki di e siguiente barionan ku nan infrastruktura lo ser kompletamente renobá:

 Kortijn
 Nieuw Nederland
 Fortuna P’ariba
 Sapaté Blok H
 Tera Kòrá

Gobièrnu di Kòrsou ta informá ku for di 2011 ku Gabinete Schotte a firma pa bai hasi uso di e 10th EDF (European Development Funds), kual ta riba tereno di infrastruktura, i ku awor a dura kasi 6 aña ku e proyekto aki a keda bai bini, pero ku porfin e la keda kla.

Gobièrnu di Kòrsou ta informá ku manera e Gabinete di Pueblo a sinta, a inisia e proseso pa agilisá e trayekto aki i awe ku satisfashon Minister Presidènt sr. Gilmar Pisas a firma e dokumentu ofisial, pa kuminsá ku e promé bario, kual ta unu pariba di brug. Gobièrnu lo no por divulgá e nómber di e barrio ainda, pa evitá ku ta tacha integridat di e proseso. Esaki ta debí ku ainda mester informá e kontratistanan ku a partisipá den e bid, ken a gana i ken no a gana. Esaki lo sosodé otro siman. Apesar di esaki Gobièrnu di Kòrsou ta kere ku un notisia grandi asina, mester keda informá na nos komunidat mesora.

Den mesun rosea Gobièrnu di Kòrsou a hasi un apelashon riba e komishon di Evaluashon di Kòrsou i esun di EU, pa aselerá e proseso di aprobashon, pa asina kaba ku e ultimo detayenan di e akuerdonan, pa asina tur e sinku proyektonan pa e barionan aki por kuminsá mas lihé posibel.

Ku e proyekto nan aki sèn fresku lo drenta nos ekonomia i yunan di Kòrsou lo haña trabou pa kria nan famia, esaki debí ku e proyekto aki lo generá hopi trabou pa suidadanonan di nos komunidat.

Gobièrnu lo duna mas informashon riba e proyekto aki otro siman na nos komunidat.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: