Exit Polls

Exit Polls

Willemstad – JCI IOBA Kòrsou den kooperashon ku BasilaChill a duna di konosé ku nan lo tene exit polls durante elekshon riba 28 di aprel benidero.
Konseho Supremo Elektoral no tin nada di haber ku organisashon di e exit polls ei. Si pa un of motibu, un otro un impreshon a keda kreá nos ta deklará ku esaki no ta asina.
Si ta asina ku JCI IOBA Kòrsou a pone Konseho Supremo Elektoral na altura di nan intenshon pa tene exit polls. Konseho Supremo Elektoral a laga nan sa e ora ey ku esaki no mag di stroba e proseso elektoral. Loke ta nifiká ku e exit polls no por tuma lugá den un urna (stemlokaal) of den serkania direkto di un urna. Den práktika esaki lo nifiká ku exit pollsnan lo tuma lugá sea riba lugá di parker of di hunga di un skol of pafó di tereno di skol.
Tambe no tin mag di aserká votadónan ku te ahinda mester vota.

Atentamente,

Presidente interino Konseho Supremo Elektoral
Charles Do Rego

This site uses Akismet to reduce spam. Learn how your comment data is processed.

error: Content is protected !!
%d bloggers like this: