Progreso relashoná ku konekshon aéreo Boneiru – Stand van zaken luchtverbindingen Bonaire

Papiamentu:
Progreso relashoná ku konekshon aéreo Boneiru
Kralendijk – Kolegio Ehekutivo i Reino a tuma diferente paso i a aktivá vários akshon relashoná ku e situashon preokupante rondó di konekshon aéreo pa i for di Boneiru. Esakinan mas pronto posibel mester kondusí na mas klaridat tokante e situashon aktual i e situashon deseá relashoná ku transporte pa i for di Boneiru, ku e meta pa perkurá ku Boneiru ta keda bon alkansabel. E akshonnan ta dirigí tantu riba término kòrtiku komo riba término largu.

Akshon riba término kòrtiku
Pa loke ta trata término kòrtiku na e momentunan aki Reino ta eksplorá solushonnan i ta hiba kòmbersashonnan pa den kaso ku Insel Air no por kontinuá ku su buelonan pa Boneiru, lo tin un alternativo di manera ku Boneiru ta keda alkansabel. Den e kaso aki ta orientá riba tantu kompanianan di aviashon ku ya kaba ta aktivo riba e rutanan pa i for di Boneiru komo riba otro kompanianan di aviashon. Ta duna prioridat na inisiativanan ku realmente ta realisabel riba término kòrtiku i pues por bira operashonal rápido, pasobra ta importante pa Boneiru keda sigurá di transporte aéreo.

Akshon riba término largu
Pa loke ta trata término largu e paisnan den Reino a palabrá pa konhuntamente investigá kon por sigurá strukturalmente e konekshon entre e islanan. Den esaki e konekshon pa i for di Boneiru tin atenshon spesial di Kolegio Ehekutivo i Reino. Pa e motibu aki e último simannan Reino a hasi un inventarisashon di inisiativanan prometedor den nos region ku por perkurá pa un mehorashon struktural di e konekshonnan pa i for di Boneiru. Entretantu esaki a kondusí na un selekshon di 6 di e plannan ku mas chèns di logra.
E próksimo simannan Kolegio Ehekutivo i Reino huntu ku komersio lokal i otro kuerponan komersial ku ta interesá, lo sigui desaroyá e plannan aki mas aleu i wak kiko ta nesesario pa e partisipantenan riba merkado pa enbèrdat realisá e plannan aki.

Nederlands:
Stand van zaken luchtverbindingen Bonaire
Naar aanleiding van de zorgelijke situatie rond de luchtverbindingen van en naar Bonaire zijn de afgelopen weken door het Bestuurscollege en het Rijk verschillende stappen ondernomen en acties in gang gezet. Deze moeten er toe leiden dat er zo snel mogelijk meer duidelijkheid ontstaat over de huidige en te verwachten situatie rond het vervoer van en naar Bonaire. Met als doel er voor te zorgen dat Bonaire goed bereikbaar blijft. De acties hebben zowel betrekking op de korte als de langere termijn.

Acties voor de korte termijn
Voor de korte termijn worden door het Rijk nu oplossingen verkend en gesprekken gevoerd om in het geval dat Insel haar vluchten op Bonaire niet kan voortzetten, er tijdig een alternatief is waardoor Bonaire bereikbaar blijft. Daarbij wordt zowel gekeken naar luchtvaartmaatschappijen die al actief zijn op de routes van en naar Bonaire, als naar andere luchtvaartmaatschappijen. Er wordt prioriteit gegeven aan initiatieven die ook echt op korte termijn te realiseren zijn en dus snel van de grond kunnen komen, omdat het belangrijk is dat Bonaire verzekerd blijft van luchtvervoer.

Acties voor de lange termijn
Voor de langere termijn hebben de landen in het Koninkrijk afgesproken om gezamenlijk te onderzoeken hoe de onderlinge verbindingen tussen de eilanden structureel verzekerd kunnen worden. Voor het Bestuurscollege en het Rijk hebben daarbij vooral de verbindingen van en naar Bonaire bijzondere aandacht. Het Rijk heeft daarom de afgelopen weken een eerste inventarisatie uitgevoerd naar kansrijke initiatieven in de regio die voor een structurele verbetering van de verbindingen van en naar Bonaire kunnen zorgen. Dit heeft inmiddels geleid tot een selectie van 6 meest kansrijke plannen.
Het Bestuurscollege en het Rijk zullen de komende weken met het lokale bedrijfsleven en geïnteresseerde marktpartijen deze initiatieven verder uitwerken en bekijken wat er voor die marktpartijen nodig is om deze plannen ook daadwerkelijk te realiseren.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: