Pronóstiko di tempu pa Kòrsou i bisindario bálido te djasabra mainta 06:00 o.l., 29 di aprel 2017.

Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 29 di aprel 2017.

Kompilá: Djabièrnè 28 di aprel 2017, 05:00 o.l. (09:00 UTC)
Tempu: Lévemente te parsialmente nublá i nos wer lo keda generalmente seku.
Temperatura máksimo lo alkansá 32ºC i temperatura mínimo 27ºC.
Solo ta sali 06:17 i ta baha 18:49 o.l.
Bientu: For di direkshon generalmente ost i moderá te basta fuerte; 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Un área fuerte di preshon haltu riba Atlántiko Nort lo sigui dominá wer den nos region, kousando entre otro un bientu moderá te fuerte. Mayoria nubia lo ta fini i solamente na algun kaminda aislá awa por finfin un ratu durante di tantu awe mainta komo mañan mardugá. P’e motibu ei wer seku lo sigui prevalesé te por lo ménos djasabra.
Kondishon di laman: Por lo general moderá ku altura di olanan entre di 1 i 2 meter (3 te 7 pia). Olanan por bira un tiki mas haltu mas lat den dia i djasabra i na e momentunan ei por bira nesesario pa emití un Mensahe di Prekoushon (Kódigo Hel) pa laman bastante brutu.  
Fenómeno spesial: Ningun.
Perspektiva te djadumingu mainta: Lévemente te parsialmente nublá ku bastante bientu i wer seku lo sigui prevalesé.
Meteorólogo: Capello.
E próksimo boletin di tempu lo wòrdu publiká djabièrnè 11:00 o.l. (15:00 UTC).