GOBIERNU DI KORSOU TA FELISITA TUR A KONTRIBUI PA E ELEKSHON DI DIA 28 DI APREL ULTIMO A TRANSKURI DEN TUR TRANKILIDAT

GOBIERNU DI KORSOU TA FELISITA TUR A KONTRIBUI PA E ELEKSHON DI DIA 28 DI APREL ULTIMO A TRANSKURI DEN TUR TRANKILIDAT

Willemstad – Pueblo di Kòrsou den un gran forma i trankil a partisipá na e elekshon di dia 28 di aprel último, kaminda un total di 79.838 hende a hasi uso sagrado di nan voto.
Gobièrnu di Kòrsou ke felisitá e pueblo di Kòrsou den su totalidat pa ku e forma trankil ku a laga e elekshon dia 28 di aprel último transkurí.

Gobièrnu ta ekstendé un felisitashon na Konseho Supremo Elektoral di Kòrsou, tur e empleadonan di Kranshi, tur e kolaboradornan di e diferente urnanan i kuerpo polisial ku den un tempu hopi korto a kontribuí pa tur kos a kana bon organisá promé, durante i despues dje elekshon.

Gobièrnu ta felisitá tur medio di komunikashon pa ku e forma kreativo i efisiente ku a perkurá pa nos komunidat por a keda informá debidamente pa ku e proseso di elekshon.

Un felisitashon ta bai di parti Gobièrnu pa tur e partídonan polítiko ku a sa di logra un òf mas asiento.

E gabinete di Pueblo ke gradisi un i tur ku a duna nan sosten, pa tòg den un tempu relativamente korto, e gabinete aki por a realisá i kumpli ku finalisashon di diferente proseso i proyekto ku tabata pendiente pa basta tempu.

Pueblo a skohe i awor ta momentu pa e grupo ku lo bai forma e mayoria den Parlamentu dia 11 di mei próksimo lo sa di skohe un Gobièrnu ku lo bai pone man na obra mesora, pa asina sigui ku a tantísimo trabounan ku tin pa hasi na bienestar di nos komunidat.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: