Kòrsou presente na Aviatur Outlet ‘#NosVamosDeVacas’ Kòrsou a bira un di e destinashonnan internashonal mas aksesibel pa e turista kolombiano – Curaçao Present at ‘#NosVamosDeVacas’ Aviatur Outlet Curaçao now one of the most affordable international destinations for Colombian travelers

Kòrsou presente na Aviatur Outlet ‘#NosVamosDeVacas’ Kòrsou a bira un di e destinashonnan internashonal mas aksesibel pa e turista kolombiano

WILLEMSTAD – 10 di mei 2017 – Resientemente kolombianonan interesá den hasi un biahe pa e aria di Karibe por a partisipá na un evento organisá den Parque 93 na Bogota. Un di e paisnan ku a resaltá durante e evento aki ta Kòrsou. Interesadonan por a probechá di ofertanan ku deskuentonan super atraktivo hasiendo un biahe pa Karibe mas aksesibel posibel. E kampaña #NosVamosDeVacas (Nos ta bai ku fakansi), ta un yamada na e kolombiano pa tuma e desishon lihé pa bishitá un di e paraisonan den Karibe entre kual ta figurá Kòrsou.

E evento a konta ku partisipashon di Samy Bessudo, Presidente di Agensia di Biahe Aviatur, ku a komentá tokante kresementu di sektor turístiko na Colombia. El a indiká ku e motibu di kresementu no ta únikamente debí na e aparente stabilisashon di dòler merikano, sino tambe pa motibu di diferente otro faktornan ku ta hasi mas fásil pa e turista kolombiano biaha; por ehèmpel dor di eliminashon di visa, no únikamente pa Europa, sino tambe pa destinashonnan mas serka, manera Kòrsou.

Di su parti, e representante di Kòrsou na Colombia, Victor Manuel Dapena, a komentá di e oumento den bishitantenan di Colombia pa Kòrsou i e importansia di esaki. Ademas, el a invitá reporteronan ku tabata presente pa bin sera konosí ku Kòrsou ku tin hopi di ofresé inkluyendo un diversidat di atrakshonnan pa akomodá diferente segmento turístiko. E evento a finalisá ku un rifa den kual partisipantenan tabatin chèns di gana un biahe pa 3 destinashon den Karibe, entre nan, Kòrsou.

Nota:
Riba fotonan athunto un bista di e evento Aviatur Outlet

==============

Curaçao Present at ‘#NosVamosDeVacas’ Aviatur Outlet Curaçao now one of the most affordable international destinations for Colombian travelers

WILLEMSTAD – May 10, 2017 – For the Colombian traveler shopping for a Caribbean vacation, Parque de la 93 (“93 Park”) in Bogotá recently became the place to be, and one destination that stood out was Curaçao. The event included offers at incredible discounts, bringing that planned Caribbean trip one step closer to many in attendance. The ‘#NosVamosDeVacas’ campaign (We are going on vacation) was at the same time a call to action for the Colombian to decide quickly about visiting one of the little corners of Paradise in the Caribbean, such as Curaçao.

The event was attended by Samy Bessudo, President of travel agency Aviatur, who commented on the growth of the Colombian tourism sector, attributing this trend not only to the apparent stabilization of the U.S. dollar, but also to a number of other factors that are making it easier for Colombians to travel abroad, such as the lifting of the visa requirement for Europe, and at the same time also for destinations closer to home, such as Curaçao.

For his part, Curaçao’s representative in Colombia, Victor Manuel Dapena, was very positive in his appraisal of this development, mentioning how important the rising number of visitors is to the island, and inviting the reporters in attendance to discover and enjoy this increasingly multi-faceted destination with a diversifying array of attractions to accommodate multiple tourism segments. The event ended with a series of prize draws to win trips to three different destinations, including Curaçao.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: