Orashon djasabra 20 di mei 2017
Orashon djasabra 20 di mei 2017
Pablo a sigui biaha pa Derbe i Listra. Tabatin un ruman yamá Timoteo ta biba einan. Su mama tabata un kreyente hudiu, su tata tabata griego. Tur e kreyentenan na Listra i Ikonio tabata papia bon di Timoteo. Pablo tabata ker e komo kompañero riba su biahenan misionero. El a laga sirkunsid’é pa motibu di e hudiunan, pasobra tur e hudiunan ku tabata biba ei banda tabata sa ku Timoteo su tata tabata griego. Den tur e siudatnan kaminda nan tabata pasa, nan tabata komuniká e reglanan stipulá pa e apòstelnan i e ansianonan na Herusalèm. Asina e iglesianan tabata krese bira mas fuerte den fe i tur dia nan tabata krese na kantidat tambe. Pablo i su kompañeronan a krusa region di Frigia i Galasia den nort, pasobra Spiritu Santu a impedí nan di prediká palabra di Dios na e provinsia di Asia na wèst. Ora nan a yega na frontera di teritorio di Misia, nan a purba drenta provinsia Bitunia na nort, ma Spiritu di Hesus a impedí nan esei tambe. Nan a pasa pues dor di Misia na wèst te yega Troas, un lugá na kosta. Aya Pablo a haña un vishon den anochi: un hòmber di Masedonia tabata para rog’é: ‘Krusa bini Masedonia bin yuda nos!’ Despues di e vishon akí di Pablo nos a purba sali mesora pa Masedonia, pasobra nos a konkluí ku Dios a yama nos pa prediká e bon notisia na e hendenan ei.
Echonan 16:1-10
