Segun sifranan di stashonnan ku ta midi kalidat di airu, KANDELA DEN ISLA NO A OKASHONA EFEKTO SIGNIFIKANTE PA SALU OF MEDIO AMBIENTE

Segun sifranan di stashonnan ku ta midi kalidat di airu, KANDELA DEN ISLA NO A OKASHONA EFEKTO SIGNIFIKANTE PA SALU OF MEDIO AMBIENTE

Willemstad – Manera ya ta konosí, djadumingu último den oranan tempran di mainta a surgi un kandela den e planta CD-3 di Refineria Isla. CD- 3 ta un di e promé plantanan den e kadena di prosesonan di refinashon ku ta produsí entre otro gasolin. Funshonarionan di Medio Ambiente i Naturalesa a risibí e notifikashon 6:35 di mainta i mesora a notifiká direktor di sektor i Inspektor di Medio Ambiente ku na su turno a tuma kontakto ku hefe di e tim di Maneho di Riesgo i Kalamidat. Aunke tabata trata di un kandela relativamente grandi ku a produsí hopi huma pretu, sin embargo esaki no a forma peliger direkto pa salú di habitantenan òf medio ambiente.

Aktualmente tin 3 stashon pa midi kalidat di airu na Kòrsou. Unu na lado di Santana Beth Chaim nèt pabou di Refineria Isla, unu na Kas Chikitu i unu na Juliana Dorp. E stashonnan aki ta ekipá ku teknologia hopi avansá i sensibel ku ta midi entre otro SO2 i partíkulanan minúskulo (TSP, PM10 i PM2.5) ku porsierto tur aña ta keda ouditá i akreditá pa Konseho di Akreditashon di Hulanda. A monitòr e resultadonan di kalidat di airu durante i despues di e kandela i por a konkluí ku no tabatin peliger direkto pa salú di habitantenan òf medio ambiente. Esaki a keda konkluí pasobra no a detektá diferensha signifikante den konsentrashon di SO2 i partíkulanan minúskulo durante i despues di e kandela kompará ku dianan normal di produkshon di Isla.

Awor Maneho di Medio Ambiente i Naturalesa ta en espera di e rapòrt ofisial di Isla i di otro investigashonnan al respekto pa basá riba esakinan mira kiko a sosodé eksaktamente i pa hasi ehersisionan pa trata na evitá lokual a tuma lugá den futuro. Tambe a bai wak na e sitio despues di e kandela i lo keda monitòr e proseso pa drecha e planta i pone bèk den operashon. Momentu ku tin mas informashon di importansha lo suministrá esaki na komunidat.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: