Minister Yrausquin hopi impresiona cu exposicion “Gezichten van Aruba”

Minister Yrausquin hopi impresiona cu exposicion “Gezichten van Aruba”

Amsterdam\Den Haag – Minister Plenipotenciario Juan David Yrausquin a keda hopi impresiona cu e potretnan di Raymond Rutting y Marco Borsato na e apertura di e exposicion “Gezichten van Aruba” den Art’Otel na Amsterdam. Esaki e mandatario a bisa despues di a mira e potretnan y a papia cu Raymond Rutting y Marco Borsato.

E exposicion aki cu ta un initiativa di ATA y ta encera un serie di potret cu Raymond Rutting a saca aña pasa pa e exposicion “Gezichten van Aruba” den cuadro di 30 aña di Status Aparte. E seleccion aki a wordo amplia cu potretnan recien di Raymond Rutting y potretnan di Marco Borsato.
Borsato ta un conocido cantante di Hulanda cu a desaroyo un passion grandi pa fotografia. Hunto cu Raymond Rutting ela bishita Aruba den luna di februari di e aña aki, unda e ta sigi un masterclass den fotografia di Raymond. E resultado di esaki ta e exposicion awor na Amsterdam.

E apertura a conta cu hopi personanan conoci for di farandula Hulandes, manera Humberto Tan, Winston Gerschtanowitz, Leontien Borsato, Birgitte Maasland y Trijntje Oosterhuis. Prensa Hulandes den un cantidad grandi a presencia e apertura y hopi cobertura a wordo haci pa tanto corantnan como programmanan na television, manera RTL Boulevard.
Sigur esaki ta un bon promocion pa Aruba como destinacion turistico.

“Gezichten van Aruba” ta habri pa publico di 9or di mainta te cu 9or di anochi te cu 27 di augustus 2017.

Nota pa redacion: Publicacion di e potret ta unicamente posibel cu mencion di e nomber di e fotografo Nico van der Ven.

This site uses Akismet to reduce spam. Learn how your comment data is processed.

error: Content is protected !!
%d bloggers like this: