Stop di usa aluminum foil pa kushiná ku ne
Stop di usa aluminum foil pa kushiná ku ne
Mayoria di nos ta usa aluminum foil pa kubri kuminda i pa kushiná e kuminda den fòrnu komo un manera mas fasil i lihé pa prepará alimentunan. Aluminium ta e metal ku mayoria artefakto di kushina, rònt mundu ta keda trahá ku ne: panchi i weanan, kucharanan grandi, blekinan di limonada, aspirin asta den hariña di pan. E ta hopi usá pa varios proposito pa motibu e ta Barbara pa keda produsí na gran kantidat i ta mas fasil pa limpia.
Organisashon di salú mundial, World Health Organization, ta indiká ku un kantidat di 40mg di aluminium pa dia pa kada kilo di peso di un kurpa, por keda konsiderá seif. Pero desafortunadamente e kurpa humano ta keda eksponé na mas ku e kantidat aki. Kasi tur kos ku ta keda usá ta kontené aluminium, tantu alimentu komo bebida komo artefaktonan.
Pues, kiko ta seif i kiko no? Investigashon ta mustra ku alimentu ku keda kushiná den likido marga, manera djus di lamunchi of sous di tomati den weanan di aluminium i den foil, por kontené mas ku seis biaha e kantidat ku ta keda konsiderá seif. Por ehèmpel un porshon di karni kushiná den foil, por kontené te ku 400mg di aluminium.
Personanan ku problema ku nir, nan kurpa por tin difikultat pa deshasí di ekseso di aluminium for di nan kurpa, ku konsekuensia ku tempu e kantidat ta sigui oumentá. Estudionan ta indiká ku metalnan toksiko ta kontribuí na malesanan manera Alzheimer i Parkinson, pues no ta un opshon seif pa kushiná ku aluminum foil pa motibu ku e metal aki ta kontaminá e alimentu i ta afektá funshonnan selebral kousando perdida di memoria i malesa di e sistema nervioso. Un otro estudio ta indiká ku e aluminium ku tin den produktonan kontra zür ta kousa perdida di kalsium i ta prevení ku e kurpa ta apsorbá florida ku ta kontribuí na perdida di wesu.
Nos mester preokupá? Sigur ta krusial pa protehá nos kurpa di kosnan malu i buska alternativa pa solushonnan sin aluminium. Usa artikulonan di kushina di glas of porselana. Usa aluminum foil solamente pa warda kuminda friu pa un temporada kortiku i no usa foil pa kushiná of pa keinta kuminda. Evitá foil pa un bida mas salú. © Reinshe 2017