KARNI FRESKU FOR DI COLOMBIA GANADERONAN COLOMBIANO A BISHITÁ MINISTER DI SALUBRIDAT, MEDIO AMBIENTE I NATURLESA SEÑORA SUZY CAMELIA-RÖMER
KARNI FRESKU FOR DI COLOMBIA GANADERONAN COLOMBIANO A BISHITÁ MINISTER DI SALUBRIDAT, MEDIO AMBIENTE I NATURLESA SEÑORA SUZY CAMELIA-RÖMER
Willemstad 2 di yüni 2017- Dos ganadero Colombiano tabata di bishita serka Minister Suzy Camelia-Römer pa interkambiá ku e titular di Salubridat, Medio Ambiente i Naturalesa riba e tema di karni ku aktualmente ta hopi den diskushon aki na Kòrsou. Nan a duna informashon di kon ta atendé ku karni na Colombia, kua ta e normanan di higiena i kalidat ku ta apliká einan i di nan interes pa invertí den un sentro di distribushon i benta di karni na Kòrsou i via Kòrsou pa otro islanan den nos serkanía. Nan a duna e Minister informashon tékniko tokante e proseso kon ta atendé ku karni for di e animal bibu te na e karni riba e tayó di e konsumidó, pa asina e por husga mas mihó e informashon ku e ta risibiendo di e situashon ku a surgi enkuanto karni kongelá ku ta bou di investigashon i inspekshon regular aktualmente aki na Kòrsou.
E ganaderonan, Juan Pablo Gómez i Victor Montejo, ta representá e Frigorífiko Guadalupe i ta sondeando e posibilidat pa invertí den i establesé un presensia di karni Colombiano na Kòrsou. Minister Suzy Camelia-Römer a indiká ku e ta habrí pa kualke inisiativa ku ta garantisá produktonan di kalidat, pagabel i saludabel pa nos komunidat. Huntu ku e ganaderonan tabatin Dr. Camilo Acevedo, Presidente di e Cámara de Comercio Colombo Centroamericana y de El Caribe kual pa 12 aña kaba ta promoviendo komersio entre Colombia y Kòrsou.
E delegashon a bishitá tambe Servisio Veterinario ku ta kai bou di e Ministerio di Salubridat, Medio Ambiente i Naturalesa na unda nan a haña un bon bista di kiko ta e normanan i eksigensianan ta pa atendé ku karni aki na Kòrsou.
