Charla grátis FUNDASHON PRO SOUAX: “KON MESTER INTERPRETÁ FECHA DI VENSEMENTU”

Charla grátis FUNDASHON PRO SOUAX: “KON MESTER INTERPRETÁ FECHA DI VENSEMENTU”

Fundashon Pro Souax i Sentro di bario Souax gustosamente ta invitá habitantenan di bario di Souax i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. E siguiente charla ta tuma lugá djamars 20 di yüni próksimo i e tópiko lo ta:
“KON MESTER INTERPRETÁ FECHA DI VENSEMENTU”.
Oradónan lo ta sr. Ronny Cornelis i sr. Ingomar Balentien, di Ministerio Desaroyo Ekonomiko (MEO).
Durante e charla ku lo ta di 7or pa mitar di 9 di anochi na Sentro di bario Souax,
srs. Cornelis i Balentin, funshonarionan di Inspekshon ekonómiko, entre otro lo splika kon e kumpradó mester interpretá fecha di vensementu di produktonan di alimentashon i di otro produktonan, kuantu sorto di fecha di vensementu tin i kiko e siudadano mester paga tinu riba dje ora ta trata di fecha di vensementu..
Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

Kontinuashon “Siklo di Charla riba tópiko hurídiko”

Tópiko : “KON MESTER INTERPRETÁ FECHA DI VENSEMENTU”
Oradónan: sr. Ronny Cornelius i sr. Ingomar Balentien
Moderadó: mr. Juny Sluis
Dia: djamars 20 di yüni 2017
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní