KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

GGZ Aruba ta busca personal y studiantenan pa corre stage na Aruba

GGZ Aruba ta busca personal y studiantenan pa corre stage na Aruba

Den Haag – Casandra Labasti-Schimidt y Kim Richardson-Roels di Geestelijk Gehandicapten Zorg Aruba (GGZ) a haci un bishita di cortesia cerca Minister Plenipotenciario Juan David Yrausquin.
Meta di e bishita ta pa mira e posibilidadnan pa informa studiantenan Arubiano riba e oportunidadnan di trabao y corre stage na GGZ Aruba. Pa e motibo aki Ivonne Navas di Departamento di Enseñansa di Arubahuis tambe tabata presente na e combersacion aki.
Tanto Casandra Labasti-Schimidt y Kim Richardson-Roels ta actualmente na Hulanda pa atende e FACT-congreso na Rotterdam. Den nan combersacion cu Minister Yrausquin nan a papia di e proyecto di GGZ na Aruba y cu nan mester di personal. Nan aspiracion ta pa Arubianonan na Hulanda cu ta desea di traha den e ramo aki na Aruba.

Sr. Yrausquin a bisa di tin un aprecio grandi pa e initiativa aki pa brinda e servicio di GGZ na Aruba y pesey a bisa cu Arubahuis lo duna tur aporte posibel pa duna informacion riba e oportunidadnan pa trabao na GGZ Aruba. Esaki pa medio di pone e informacion aki riba e website di Arubahuis y manda e informacion aki via email pa e studiantenan.

Finalmente Casandra Labasti-Schimidt y Kim Richardson-Roels a gradici Minister Yrausquin y su staf na Arubahuis pa e sosten brinda na e proyecto aki.

639114718427035"
639114718427035"