Rignald Beaumont a kumpli 20 aña den servisio di LVV.

Rignald Beaumont a kumpli 20 aña den servisio di LVV.

Kralendijk, Riba e fecha 01 yüni 1997 sr. Rignald Beaumont konosí komo Tochi a drenta servisio di Gobièrnu di Boneiru komo “Hardinero” na departamento di LVV.

Su trabounan diario ta mantenshon di mata, esaki ta enserá snui, kita yerba, drecha sistema di drep i mantené e palunan bèrdè esaki na tur e partinan ku gobièrnu di Boneiru tin plantashon.

Durante añanan sr. Beaumont a desaroyá den su trabou ku awe e ta un maestro riba e tereno di mantenshon di matanan huntu ku su otro koleganan na LVV.
Diputado di Agrikultura, Krio di Bestia i Peskeria sra. Rolanda Hellburg-Makaai na e okashon aki a felisitá sr. Rignald Beaumont pa e bon trabou ku su persona ta ehersé riba e tereno di mantenshon di matanan, mirando e dedikashon i tempu ku Rignald ta hinka momentu ku e ta trata un mata.

Finalmente diputado Hellburg-Makaai a hasi entrega di e sertifikado di rekonosementu i e ènvelòp ku kontenido na sr. Beaumont.
Den un esfera ameno a sigui ku e selebrashon entre famia i koleganan na LVV.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: