KOMUNIKADO DI KUERPO POLISIAL KÒRSOU Kontròl di tráfiko

KOMUNIKADO DI KUERPO POLISIAL KÒRSOU
213 / 2017
16 yüni 2017
Kontròl di tráfiko
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 16 di yüni 2017, agentenan den formashon di Warda di Polis Punda
konhuntamente ku “Bike Team” i Tim di Mantenshon di òrden Públiko di Montagne a tene
kontròl di tráfiko riba e krusada Schottegatweg Zuid/ Kaya C. Winkel. E kontròl aki a tuma
lugá entre 07.00 or pa 12.00 or di mainta i tabata dirigí prinsipalmente riba pasamentu den
lus kòrá.
Polis a kontrolá 120 vehíkulo i a partí un total di 90 prosèsverbal pa e siguiente
infrakshonnan kometé:
 Manehá un vehíkulo sin faha di seguridat 5
 Manehá un vehíkulo sin reibeweis bálido 9
 Manehá un vehíkulo sin karchi di kùr/kaduká 1
 Manehá un vehíkulo sin seguro bálido 2
 Bentana di e vehikulo di plak skur 28
 Manehá vehíkulo sin belasting di number pagá 6
 Manehá un vehíkulo sin plachi number dilanti 2
 Pasa den lus kòrá 37
Durante di e kontròl aki polis a konfiská 3 vehíkulo, kual a keda transportá ku kran pa Kurá i
unu a keda transportá pa kurá di Departamentu di Tráfiko pa inspekshon tékniko.
E kontròlnan ta kontinuá.

This site uses Akismet to reduce spam. Learn how your comment data is processed.

error: Content is protected !!
%d bloggers like this: