KOMUNIKADO DI KUERPO POLISIAL KÒRSOU Kaso di hinkamentu.

KOMUNIKADO DI KUERPO POLISIAL KÒRSOU
no.: 219 / 2017
22 yüni 2017
Kaso di hinkamentu.
KUERPO POLISIAL KÒRSOU SIRBI I PROTEHÁ
________________________________________
Djaweps 22 di yüni 2017 alrededor di 16.35 or, Sentral di Polis a risibí yamada di un kaso di
hinkamentu kaminda un hòmber (23) mester a hinka un otro hòmber (56) na un kas na Noord
Zapateer.
Na yegada di polis na e sitio nan a bin haña ámbos hòmber drumí den un plas di sanger den
kushina di un kas na Noord Zapateer. For di investigashon preliminar a sali na kla ku e hòmber
(23) a hinka e otro hòmber (56) na su kas na Noord Zapateer. E víktima a sali i kore pa buska
yudansa i a resultá den kushina di un otro kas. Tabata na e di dos kas aki, ku e sospechoso a
hinka su víktima na vários parti di su kurpa ku un kuchú. Bisiñanan ku a sali na yudansa di e
víktima a logra di kita e kuchú for di e agresor. Probablemente e agresor a lástima su mes na
momento di su akto i e tambe tabata heridá. Motibu di e hinkamentu no ta konosí pa Polis te na
e momento aki.
Ambulans a transportá tantu e agresor komo e víktima pa hospital.
Investigashon den e kaso aki ta kontinuá.