Inisio benta di tereno na

Brakkeput Noord

WILLEMSTAD – E di dos buèlta di oferta pa terenonan den e área residensial nobo di Brakkeput Noord a kuminsá. For di djárason 18 di yüni pa 11:00 di mainta (ora di Kòrsou) interesadonan por hasi un oferta online pa e parselanan disponibel. E periodo pa pa hasi oferta ta terminá djárason 9 di yüli pa 11:00 di mainta.
Brakkeput Noord ta situá na parti ost di e isla, den un área bèrdè i trankilo serka di Jan Thiel i Spaanse Water. E bario ta destiná pa bibienda privá i ta enfoká riba hende ku ke invertí den su mes kas òf un proyekto di bibienda pa futuro.
E proseso di oferta ta kompletamente digital via e wèpsait http://www.brakkeputnoord.cw i ta estriktamente konfidensial. Ta presentá tur oferta elektrónikamente seyá i no ta visibel pa otro interesadonan ni pa desaroyadó APC. Un notario independiente ta supervisá e proseso.
Tur interesado ku anteriormente no a kumpra un parsela di APC den e plan di desaroyo di Brakkeput Noord, por entregá un oferta. Kada interesadó por hasi oferta máksimo un biaha riba dos parsela diferente, pero mester presentá e oferta den un solo biaha. Lo atribuí e parselanan na esun ku e oferta mas altu. E momentu di oferta pues no ta desisivo.
Ta rekomendá tur interesando pa lesa e términonan i kondishonnan general i e provishonnan di bienestar (‘welstandsbepalingen’) kuidadosamente di antemano. Ta konsehá tur hende ku ke usa finansiamentu pa tuma kontakto ku un banko òf konsehero finansiero na tempu. E wèpsait tambe tin un sekshon di FAQ ku kontesta riba preguntanan frekuente.
Ku e proyekto akí, APC ta kontribuí na desaroyo kontinuo di e isla i e fortifikashon di e fondo di penshon di su partisipanten.

NEDERLANDS

Biedingsperiode Brakkeput Noord van start

WILLEMSTAD – De tweede biedingsronde voor kavels in de nieuwe woonwijk Brakkeput Noord is van start gegaan. Sinds woensdag 18 juni om 11:00 uur kunnen geïnteresseerden online een bod uitbrengen op de beschikbare kavels. De biedingsperiode eindigt op woensdag 9 juli om 11:00 uur (Curaçaose tijd).
Brakkeput Noord ligt aan de oostkant van het eiland, in een groene en rustige omgeving nabij Jan Thiel en het Spaanse Water. De wijk is bestemd voor particuliere woningbouw en richt zich op mensen die willen investeren in een eigen woning of een toekomstig woonproject.
Het biedingsproces verloopt volledig digitaal via de website http://www.brakkeputnoord.cw en is strikt vertrouwelijk. De biedingen worden elektronisch verzegeld ingediend en zijn niet zichtbaar voor andere bieders of voor ontwikkelaar APC. De procedure staat onder toezicht van een onafhankelijke notaris.
Elke geïnteresseerde die nog niet eerder een kavel van APC in het verkavelingsplan Brakkeput Noord heeft gekocht mag een bod uitbrengen tijdens de biedingsperiode. Een bod mag op maximaal twee kavels worden uitgebracht en moet in één keer worden ingediend. De toewijzing van een kavel gebeurt op basis van het hoogste bod. Het moment van bieden is dus niet bepalend.
Geïnteresseerden wordt geadviseerd om vooraf de algemene voorwaarden en welstandsbepalingen goed door te nemen. Wie gebruik wil maken van financiering, wordt aangeraden tijdig contact op te nemen met een bank of financieel adviseur. Op de website is ook een FAQ-sectie beschikbaar met antwoorden op veelgestelde vragen.
Met dit project draagt APC bij aan de verdere ontwikkeling van het eiland en de versterking van het vermogen ten behoeve van de pensioenen van zijn deelgenoten.