KOMUNIKADO DI KUERPO POLISIAL KÒRSOU Dos detenshon pa ladronisia di outo
KOMUNIKADO DI KUERPO POLISIAL KÒRSOU
223 / 2017
26 yüni 2017
Dos detenshon pa ladronisia di outo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polis a detené dos hòmber sospechoso pa ladronisia di outo, esaki despues ku un outo a
keda hòrtá na altura di un krèsh na Sta. Maria.
Djaluna 26 di yüni 2017, alrededor di 8.20 or, Sentral di Polis a risibí yamada di un kaso di
ladronisia di un outo ku a kaba di tuma lugá dilanti di un krèsh na Sta. Maria. Mesora a dirigí
un unidat polisial na e sitio. Na yegada di e patruya na e sitio, doño di e outo hòrtá a
deklará na polis ku el a kaba di parker e outo un ratu promé pa e hiba su yu na e krèsh
menshoná. Ora ku el a regresá pa drenta den su outo ya esaki no tabata na e sitio. Di
personanan na e sitio el a komprendé ku un suheto a bai ku e outo, apesar ku esaki tabata
será i di lòk. Durante un investigashon e agentenan a bin haña e outo na un kas na
Saffierweg i banda di e outo aki tabatin un otro outo di e mésun marka, polis a konfiská
ámbos outo. En konekshon ku esaki polis a detené dos hòmber sospechoso ku tabata
skondí den un mondi tras di un kas den Rubiweg. Un di nan a keda detené riba Diamantweg
i e otro djis despues ku el a sali for di e mondi. Ta trata di e dos hòmbernan sospechoso:
Sh.R.F.P. di 20 aña di edat i
J.A.B. di 21 aña di edat, ámbos nasé na Kòrsou.
E duo a keda presentá dilanti di un fiskal ouksiliar ku a ordená enkarselamentu di J.A.B. pa
mas investigashon i Sh.R.F.P. por a bai kas despues di interogashon.
