Advertisements

Rèspèt pa nos Bandera na Plasa Brion

Rèspèt pa nos Bandera na Plasa Brion

Mediante e komunikado akí mi ke ekspresá mi profundo preokupashon pa e trato inrespetabel ku nos bandera ta risibiendo na Plasa Brion.

Ku profundo doló mi a tuma nota na diferente okashon ku ta tur sorto di aktividat di bebementu i komementu ta tuma lugá eksaktamente na e staka i plenchi kaminda nos bandera nashonal ta waya. Esaki lógikamente ta faltamentu di rèspèt na grado haltu pa nos bandera i mas tristu ta ora kaba di kome i òf bebe, ta laga e restu nan benta abou na pia di e bandera.

Mi ke urgí nos minister enkargá ku kultura, pa mas pronto posibel, laga sera, ku kadena i tambe pilá nan a lo protokòl, pa asina pone ku esnan ku pa un motibu òf otro no ta komprondé ku tin ku respetá nos bandera, no por yega serka.

Spera ku nos minister enkargá lo hasi su máksimo esfuerso pa tuma esaki na konsiderashon i tuma akshon rápido. Mi a risibí informashon ku tin persona ku ke kontribuí pa hasi esaki komo un gesto pa nos Kòrsou i su bandera.
Pues no tin nada mas pa warda. Man na obra, pasobra no por sigui asina!

Atentamente,
Parlamentario Gilbert Doran pa MFK
Den representashon di komishon Enseñansa, Kultura, Sensia i Deporte.
Amarcelli Scoop

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: