Seminario Struktura di Inkomsten Belasting

Seminario Struktura di Inkomsten Belasting

Willemstad, 3 yüli 2017

Debí na e gran akohida pa e seminario Struktura di Inkomsten Belasting nos di SBG – Accounting ta ripití e seminario aki dia 9 di yüli na Lions Dive Beach Resort (Meeting Room) di 2 p.m. pa 5 p.m.
E Seminario Struktura di Inkomsten Belasting ta dediká na yuda bo komprondé kon pa determiná e montante ku un persona ta paga Inkomsten Belasting riba dje. E informashon aki ta sirbi komo guia na momentu di hasi e deklarashon di impuesto.
Nos tur tin ku paga belasting riba nos entrada, p’esei ta importante pa bo ta komprondé e struktura di Inkomsten Belasting di moda ku bo sa kua ta e punto nan ku bo tin ku tene kuenta kuné. Di e manera aki bo por Evitá Problema Serio ku Belasting.
Tópikonan ku lo elaborá riba dje ta:
 Ken ta paga inkomsten belasting
 Tarifa di inkomsten belasting
 Riba kiko ta paga inkomsten belasting
 Kon pa kalkulá un persona su belastbaar inkomen
 Fuente nan di entrada pa inkomsten belasting
 Dedukshon nan pa Inkomsten belasting
E seminario aki ta importante pa personanan den ‘Loondienst’ komo ku un Empleado tin ku kumpli ku impuesto riba salario (Loonbelasting) i tambe impuesto riba entrada (Inkomsten Belasting). Hasiendo bon uzo di e dedukshonnan pa Inkomsten Belasting ta maksimisá un Empleado su chèns di haña sèn bek di impuesto. E seminario aki tambe ta di balor agregá pa personanan ku tin un negoshi propio (eenmanszaak) komo ku e ganashi di eenmanszaak ta un di e fuente nan di entrada pa Inkomsten Belasting.
Seminario Struktura di Inkomsten Belasting ta ser presentá dor di Marie Louise Schoop, Direktora di Sustainable Business Growth (SBG – Accounting). Pa mas informashon por tuma kontakto ku SBG – Accounting na number di telefon 526-1122 òf via di email na mschoop@sbg-accounting.com

This site uses Akismet to reduce spam. Learn how your comment data is processed.

%d bloggers like this: