AGO Montaña ta proba ku nos studiantenan ta logra nan ophetivonan sea ta UTS , SBO Boka di Trabou

Willemstad, 6 yüli 207

Tin un persepshon inkorekto di AG, ku ta para pa Arbeids Gericht Onderwijs, esta Enseñansa dirihí riba Merkado Laboral., ta un opshon suak ku mayoria di mayornan no k’e pa nan yunan. Pero laga nos para ketu wak si esaki ta berdat. Si ta’asina ku AGO ta un dje areanan den nos enseñansa ku ta meresé i ta grita pa mas klaridat i standarisashon di e posibilidatnan den nos enseñansa .

Mientras tantu AGOnan riba Kòrsou ta konta ku direktornan kreativo ku ta froma nan timnan di maestronan speshal i kendenan ku hopi amor, pasenchi, interés i dedikashon ta yuda alumnonan ku ta parse di kai afó for di nos sistema pa siña un fishi i vensé kualkier opstakulo personal ku ta parse di stroba nan alkansá nan potenshal den nos komunidat.

Ku resultado positivo tur aña. Awe nos ta para ketu na e aktividat bunita di entrega di diploma i sertifikado den un ambiente nèchi kaminda maestro, alumno i nan mayornan a selebrá e logronan importante aki di nan ser kerí na AGO montaña. No balotá AGO ya ku a keda probá ku e ta hibabo kon leu ku bo potenshal ta i ta ku sumo orguyo ku direktor di AGO Montaña sra. Lucille Hernandez a presentá un par di nan alumnonan ku lo sigui studia i varios a haña trabou na entre otro Building Depot, Kooijman NV, Kas di Kuido Integral i dos komo partimer na UTS. Loke ta un logro ahinda mas remarkabel ta e stuidante Shariandra Domitilia ku ta un di e alumnonan di AGO Montaña ku lo drenta aña eskolar próksimo SBO i Sharmalon Ostiana lo sigui avansá su karera na FEFFIK.

Presente na e okashon aki tabata tambe minister di Enseñasna Sra. Marilyn i Sekretario General di Enseñansa sra. Sahaira Braun-Bisnet iden kompania di mas koleganan maestro di otro AGO nan na Kòrsou.
Un momentu speshal pa selebrá!.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: