Satisfecho i gradesido ku 20 aña selebrashon den Bònt. Awó ta pa Gobièrnu i sektor privá yuda konsolidá.

Satisfecho i gradesido ku 20 aña selebrashon den Bònt. Awó ta pa Gobièrnu i sektor privá yuda konsolidá.

Willemstad, Fundashon Bisiñanan Kontentu den Bònt ta mira patras ku hopi satisfakshon, anto ku sintimentu di gran orguyo ku durante 20 aña e organisashon aki por a duna forma i kontenido na Selebrashon di Dia di Bandera di Kòrsou. Nos ta yama danki pa e honor ku pa Kòrsou kompletu ku Bònt a bira e plataforma kaminda habitantenan di nos isla sea komo famia, amigu i of konosínan ta reuní pa selebrá i disfrutá di e dushi ambiente. E selebrashon e aña aki, esta djadumingu 2 di yüli 2017, a kulminá den su di 20 aniversario tipifiká pa su ambiente di pas i union total. Por papia aki di un partisipashon remarkabelmente grandi di Bonerianonan for di tur parti di Kòrsou, kendenan a bini na gran kantidat pa sostené Foyan Boys dirèkt for di Boneiru. Presensia di Grupo Foyan Boys lo suprayá e lasonan amistoso ku semper a eksistí entre nos Islanan. Di e forma aki nos ta demostrá e sentido di konvivensia entre habitante di Kòrsou i Bonaire ku rèspèt pa kada Isla su derecho pa outodeterminashon. Fundashon Bisiñanan Kontentu den Bònt generosamente ta yama danki na tur bisiña, eks habitante, pueblo di Kòrsou en general Bonerano i Arubianonan i tur doño di empresa i gobierno di Kòrsou ku a sostené esfuersonan pa suprayá union i pas tur aña den P.L. Jansenstraat”Bònt” na okashon di Dia di Bandera. Selebrashon den Bònt, nos di Fundashon ta konsider’é fruta di un komunidat maravioso ku ta duna rèspèt i honor na un di su símbolonan di identidat. 20 aña di selebrashon di Dia di Bandera den Bònt, práktikamente a enserá añanan di lucha i esfuerso kontinuo pa mantené e evento aki riba pia, anto garantisá kalidat di tur aspektonan organisatorio ku un evento asina ta rekerí. Nos semper a tene kuenta ku mester duna oportunidat na hóbennan, na grandi i chikí, na habitante i eks habitantenan di bario i tur hende na Kòrsou ku ke kompartí huntu ku nos den e espíritu di unidat rondó di nos bandera. Despues di e 20 añanan di eksperensia Fundashon Bisiñanan Kontentu den Bònt ke pone énfasis riba aspektonan manera inovashon, motibunan pa konsolidá e gran evento aki, pero tambe mas puntonan ku ta duna profundidat na nos identidat kurasoleño.
Fundashon Bisiñanan Kontentu den Bònt ta konsiente ku pa kuminsá mester por sigui konta ku tur habitante i eks habitante di P. L. Jansenstraat “Bònt”– Oranjestraat.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: