Elsa Rozendal di MAN: “Pedo Watch” mester prevení nos muchanan bira víktima di abusu seksual.

Elsa Rozendal di MAN: “Pedo Watch” mester prevení nos muchanan bira víktima di abusu seksual.

Pueblo di Kòrsou kompleto a reakshoná desapuntá pa e sentensia den un kaso resien kaminda un akusado di abusu seksual di varios menor di edat a haña un kastigu hopi abou pa su aktonan. E kaso di abusu seksual aki ta un di e tantisimo kasonan di abusu di menor di edat ku ta tumando lugá riba nos isla. Hopi biaha e víktima no ta ni bini dilanti i hasi denunsia. Sin embargo mester protehá nos muchanan i hóbennan menor di edat di e tipo di abusunan aki i di pedofilnan.
P’esei e parlamentario a manda un karta pa Minister di Hustisia señor Quincy Girigorie den kual e ta hasi pregunta i ta urgi e minister di Hustisia pa mas lihé ku ta posibel instituí e asina yama “Pedo Watch” aki na Kòrsou.
“Pedo Watch” ta un mechanismo pa prevení ku nos muchanan ta bira víktima di e tipo di krimennan di pedofilia i pa registrá pedofilnan.
Durante tratamentu di Presupuesto 2017, parlamentario Rozendal a hasi pregunta na èks minister di Hustisia Nelson Navarro tokante e trayekto di “Pedo Watch”. Esaki tabata un di e proyektonan den e maneho di ministerio di Hustisia ku a keda menshoná den e presupuesto 2017 i e Parlamentario ke sa kon a para ku e proyekto aki i kon leu ta ku e implementashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: