Charla KOLESTEROL I UN BON ALIMENTASHON
18 di YULI 2017
Charla KOLESTEROL I UN BON ALIMENTASHON
na Sentro di bario Souax
Fundashon Pro Souax i Sentro di bario Souax, ta invitá habitantenan di Souax, Gato, Zegu i bisindario i demas interesado na kontinuashon di e siklo di charla ” ALIMENTASHON RESPONSABEL”. E charlanan ta na e enkargo di e konosido dietista sra. Miriam de Windt.
Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente, kon alimentá nan mes di un forma balansá, sano i responsabel. E siguiente charla lo ta djamars awor 18 di yüli i e tópiko ku e dietista lo trata ta: KOLESTEROL I UN BON ALIMENTASHON.
Entrada ta grátis i lo tin amplio oportunidat pa hasi pregunta
Un i tur ta keda kòrdialmente invitá pa bin skucha informashonnan interesante riba e tópiko aki.
Charla ALIMENTASHON RESPONSABEL
Tópiko :” KOLESTEROL I UN BON ALIMENTASHON”
Oradó : DIETISTA Sra. Miriam de Windt
Dia : Djamars 18 di YULI 2017
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRATIS
