Nos selekshon nashonal U-20 di dama ta rumbo pa Bermuda Pa partisipá na e promé buèlta di e torneo di kualifikashon di Karibe pa mundial U-20 di dama, organisá pa CONCACAF!

Nos selekshon nashonal U-20 di dama ta rumbo pa Bermuda
Pa partisipá na e promé buèlta di e torneo di kualifikashon di Karibe pa mundial U-20 di dama, organisá pa CONCACAF!

Despues ku nos selekshon senior ta tin e oportunidat di saka kara di Kòrsou, awor ta toka turno na nos selekshon nashonal U-20 di dama pa representá nos dushi isla durante e promé buèlta di e torneo di CONCACAF pa kualifikashon di Karibe pa mundial di dama kategoria U-20 ku lo tuma lugá aya na Bermuda.

Despues di dianan di trainingnan intensivo i un temporada di preparashon ekstenso, awe, djadumingu 16 di yüli nos selekshon nashonal di dama U-20 lo biaha 4:27 PM pa Bermuda pa asina kumpli ku nan kompromisonan den e promé buèlta di e torneo di CONCACAF pa kualifikashon di Karibe pa mundial di dama kategoria U-20 ku lo tuma lugá di 19 pa 24 di yüli próksimo.
Huntu ku nos tin 11 pais mas ku lo partisipá na e torneo aki. Total ta forma un grupo di 12 pais ku a keda repartí den 3 grupo.

Nos selekshon ta forma parti di grupo B ku ta konsistí di e siguiente paisnan;

1. Bermuda
2. Jamaica
3. Kòrsou

E ekipo di St. Lucia tambe tabata forma parti di e grupo aki pero lamentabelmente ela retirá for di e kampionato.

Skema di weganan:

Fecha Tim di kas Bishitante Lugá
1 19 yüli 17 Bermuda Kòrsou National Sports Center (Bermuda)
2 21 yüli 17 Kòrsou Jamaica

Nos selekshon nashonal di dama U-20 ta konsistí di un grupo di 18 hungadó ku ta wòrdu dirihí pa Sra. Gesilene Roojer-Kerindongo ku ta e direktor tékniko di e selekshon aki i Sr.Tyronne Maria ku ta e asistente di e direktor tékniko.
Tambe ta biaha huntu ku e selekshon Sr.Gino Costina ku ta entrenadó di portero di nos selekshon i esun enkargá ku e materialnan, un masahista kual ta Sra. Laicam How i e hefe di delegashon ku ta Sr. Eric Fraay, miembro di direktiva di FFK.

Nos selekshon ta konsistí di e siguiente hungadónan:

1. Kiara Angelino
2. Angelique Antonio
3. Shadé Desir
4. Shariëntely Francisca
5. Lishanty Guillermo
6. Taïsha Hansen
7. Lindsey Hart
8. Evy Huiskens
9. Rosheny Kastaneer
10. Yasmin Levens
11. Tayzien Marchena
12. Fresheny Michiel
13. Anaïse Piar
14. Lauryn Richardson
15. Diante Scheepers
16. Kiara Snel
17. Staygin Stephens
18. Riesmarly Tokaay

FFK i MCB kier a deseá nos selekshon di dama U-20 tur klase di éksito i tin sigur ku nan lo sa di hasi un bon trabou na Bermuda den e promé buèlta di e torneo di CONCACAF pa kualifikashon di Karibe pa mundial di dama kategoria U-20!

This site uses Akismet to reduce spam. Learn how your comment data is processed.

%d bloggers like this: