KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Na playa di Jeremí tin fasilidat pa tira karbon aden, p’esei

Na playa di Jeremí tin fasilidat pa tira karbon aden, p’esei

Ministerio di GMN ta lamentá ku un kriatura a sufri kemadura despues di a trapa riba karbon kayente

Willemstad – Ministerio di Salubridat, Medio Ambiente i Naturalesa a tuma nota di e suseso lamentabel ku resientemente a tuma lugá kaminda un mucha muhé a sufri kemadura na su pianan despues di a trapa riba karbon ku ainda tabata kayente. Esaki a tuma lugá na playa di Jeremí riba e kriatura su promé dia di vakashon. Relashoná ku esaki ministerio ta informá ku e suseso lamentabel aki por a keda evitá simplemente si a depositá e karbon den e barí spesial destiná pa esaki ku tin na nos playanan.

Na playa di Jeremí tambe tin un barí spesial pa tira karbon aden i por mira esaki bon kla. E fasilidat aki ta pa evitá ku aksidentenan ta tuma lugá pero tambe pa tene nos playanan limpi. Durante e dianan di vakashon aki nos playanan lo ta hopi bishitá i den e kuadro aki Ministerio di Salubridat, Medio Ambiente i Naturalesa ta hasi un apelashon na tur esnan ku ta bishitá nos playanan pa tene esakinan limpi i tira karbon den e barinan spesialmente destiná pa esaki.

Riba potrèt por mira un barí spesial pa tira karbon aden na playa di Jeremí.

Riba potrèt por mira personal di AVB ku regularmente ta hasi limpiesa na nos playanan inkluso playa Jeremí.

639114718427035"
639114718427035"