Selikor: ousilio!

 

Selikor: ousilio!

 

Barionan na Kòrsou ta man na kabes. Shushi di kas ta di stapel riba otro banda di e klikonan den kaya i nos no ta tende di Selikor ta kiko ta pasando ku no ta rekohé shushi, pero mas ainda Selikor no ta brinda solushon pa atendé ku e shushinan den e fin di aña aki.

 

Partido Inovashon Nashonal (PIN)  ta hasi dos prospisishon konkreto pa un solushon urgente pa atendé e shushi pa e dianan di fiesta.

 

1. Pa shushi di kas, e habitante tin derechi di hiba te ku 1000 kilo Selikor si tin nodi di paga nada. Hasi uso di e posibilidat aki i fleksibilisá e reglanan di entregá na porta di landfill. Stòp momentáneamente ku e registrashon di kada kas ku entregá shushi.  Kalkulá e kandidat di shushi i laga e entregá di shushi tuma lugá sin pèrdè tempu ku pisa of registrá.

 

2. Lòs di ta kiko ta e motibu ku Selikor no ta dunando e servisio, esta si tin falta di hende of trùk, Selikor mester kuminsá pa ‘schakel’ di bario pa bario, i informá komunidat di e skèma. 

 

Ta bon pa Selikor no skuif tur problema bou di un kapa finansiero, pasobra esei no ta real. Ma esei ta un otro diskushon. 

 

Esakinan ta sugerensianan pa un solushon temporal di urgensia, mientras ta solushoná e problemanan ku ta stroba e trabounan di Selikor pa rekohé shushi awor aki.