KOMUNIKADO DI KUERPO POLISIAL KÒRSOU Aksidente di tráfiko ku herido
KOMUNIKADO DI KUERPO POLISIAL KÒRSOU
265 / 2017
23 yüli 2017
Aksidente di tráfiko ku herido
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 23 di yüli 2017 alrededor di 05.48’or, Sentral di Polis a dirigí un patruya pa Arubastraat
pa un hòmber drumí den un plas di sanger riba kaminda. Na yegada di e patruya polisial nan a topa
e víktima fuera di konosementu i drumí den plas di sanger i un bròmer algun meter mas leu bentá.
For di un investigashon preliminar ku polis a hasi na e sitio, a sali na kla ku e hòmber (shofùr) di e
bròmer tabata koriendo riba Arubastraat direkshon brùg Juliana ku un velosidat haltu. Den e bògt e
bròmer a subi e “middenberm” i bai dal den un palu di lus riba e “middenberm” ku e konsekuensia
ya menshoná.
Ambulans ku a yega na e sitio i a transportá e víktima di 25 aña di edat pa Poli di SEHOS pa
tratamentu médiko. Despues di tratamentu e víktima a keda interná den hospital.
Departamento di Tráfiko ta kontinuá ku e investigashon.