BENNY NISBET (PPA): “PPA A PRESENTA NOS ‘AGENDA PA SAN NICOLAS’ NA PRENSA Y PUEBLO” …pa hiba San Nicolas pa…..E Proximo Nivel !

BENNY NISBET (PPA):
“PPA A PRESENTA NOS ‘AGENDA PA SAN NICOLAS’ NA PRENSA Y PUEBLO”
…pa hiba San Nicolas pa…..E Proximo Nivel !

Durante conferencia di prensa di PPA Lider Politico di PPA a inicia su descurso accentuando cu varios otro partido politico ta ofrece nos pueblo bandera, sticker, musica, bebida etc como sifuera cu lo NO tin un crisis financier economico social den nos Pais.
PPA sinembargo a inicia presentando como UNICO organisacion politico nos:
A. Masterplan pa frena criminalidad y aumenta siguridad riba nos Isla
B. Masterplan pa desaroyo di Oranjestad nos Capital
Y awe nos kier presenta na prensa y na pueblo nos ‘Agenda pa San Nicolas’.
E ‘Agenda pa San Nicolas’ di PPA ta basa primeramente riba cierto necesidad segun opinion di PPA pa San Nicolas y vecindario fuera cu e ta trata un vision cu PPA ta cualifica como ‘ San Nicolas Our Caribbean Town’.
A. Varios caminda y infra-structura na San Nicolas merece atencion cu prioridad pa Diamantbaregweg, Juana Mortostraat, Caya Lord Boxoe y Zeewijk y vecindario(caminda trorroir y illuminacion).
B. Necesidad pa algiun edificio di gobierno exstra y nan servicio.
C. Un programa pa juda varios famia pa mehora nan cas cu a bai atras pa falta di mantencion cu pa varios anja a afecta no solamente nan cas y propiedad pero tambe e barrio den cual nan ta.
D. Renovacion y modernisacion di varios scol na San Nicolas.
E. PPA lo stimula presencia di un ‘Foodcenter grandi y moderno’ na San Nicolas.
F. Un programa cu lo sostene trahador di San Nicolas cu ta traha na otro banda di Aruba pa majoria vez un salaerio minimo y ta gasta un f. 300,–pa transportacion cual ta un 20% di nan entrada . PPA ta di opinion cu esaki No por worde accepta mas. Nos lo propone pa introduccion di un ‘Transport Bonus’.
G. Tur fascilidad di deport y social lo mester ricibi atencion di gobierno.
H. Lo mester bin cu un maneho economico pa hasi San Nicolas mas atractivo pa inversion.
I. Lo stimula un industria di arte y souvenir na San Nicolas.
J. Lo ejecuta un Mercado caribense di fruta, pesca y productonan local.
K. Pa lucha contra criminalidad nos ta referia na nos ‘Masterplan di Siguridad’.
L. PPA lo construi un bibliotheca nobo y modern su servicionan modern na San Nicolas.
M. Lo mester hiba un maneho social pa atende cu e ‘adictonan’ riba caya.
PPA lo stimula un desaroyo turistico riba costa oeste esta grapefield y Seroe Colorado.
PPA ta kere de un Internacional Golfcourse cu por worde desarya na parti di Grapefield y Colony. PPA lo drecha y mantene e Aruba Golf Course existente.
Rond di e Golf Course International lo no mag di construe mas cu 3 hotel durante un periodo di 10 anja y esaki mara na crecement di nos Mercado laboral.
Un di e hotelnan lo mester bira un SPA hotele como parti di nos maneho pa cu ‘Health & Wellness’. E otro dos hotel lo mester ta 3,4, of 5 streya y di nivel . PPA lo no permiti ‘All Inclusive’ den San Nicolas.
Pa esaki bira posibel PPA lo usta e formula di e asina jama desaroyo di ARUVEN cu a inicia e desaroyo di turismo parti pabow di nos isla.
Pa ta cla pa tur hende PPA lo garantisa cu TUR beach mester keda habri y liber pa publico di nos pais por usa libremente.
Renovacion di sistio historico:
PPA lo hiba un maneho pa un commission repasa historia di San Nicolas y lo propone na gobierno di Aruba cual sitio specific y edificio lo mester worde renovca y mantene pa asina pueblo y turista por bishita nan.
TRANSPORTACION Y TOUR:
Pa garantisa e transportacion di turista for di Oranjestad y parti di Noord di nos isla pa San Nicolas especialmente e ‘tournan’ PPA lo stimula inversion den asina jama ‘BUS-trolleys” cu lo ofrece tour pariba di brug. Tambe PPA lo stimula un asina jama SLTT cu ta Sea Land Transportation & Tours. Cual lo por ofrece turista un tour riba lama dilanta costa for di parti pabow di Aruba pa e parti pariba di nos Isla esta San Nicolas, Savanete y vecindario.
PPA lo sigui duna mas informacion di nos Agenda pa San Nicolas den un otro articulo.
Aruba, 27 di juli 2017 Lider Politico di PPA
BENNY NISBET

This site uses Akismet to reduce spam. Learn how your comment data is processed.

error: Content is protected !!
%d bloggers like this: