“ SAN NICOLAS AGENDA…….SAN NICOLAS TAMBE TIN DERECHO DI PROGRESA !!”

BENNY NISBET (PPA):
“ SAN NICOLAS AGENDA…….SAN NICOLAS TAMBE TIN DERECHO DI PROGRESA !!”
San Nicolas Our Caribbean Town….ta keda e vision di partido PPA. Nos historia y nos desaroyo multicultural lo keda nos potencial pa futuro. For di e potencial aki PPA lo saca lo maximo pa garantisa San Nicolas un desaroyo positivo hibando San Nicolas pa e Proximo Nivel.
Durante e Conferencia di Prensa Lider di PPA a accentua riba e vision di PPA pa un San Nicolas Historical & Multicultural Museum cu lo ta un museum basa riba un concepto unico cu PPA a crea di e historia di San Nicolas iniciando na 1800 padilanti. PPA a presenta e Museum cu ta traha di un ‘helm’ di un trahado di refineria. Ora drenta e Museum aki lo tin un
• Hall di recepcion amplio.
• Sigui pa un sala cu lo representa 1800 pa 1875 y lo worde dedica na e famia mas bieuw di San Nicolas.
• Sigiente sala lo ta dedica na e epoca di fosfaat cu 1876 pa 1914.
• Sigiente sala lo ta e epoca di refineria 1920 padilanti y lo mira Lago Oil & Transport Company y diferente potret di e epoca ey cual lo ta e Lago commissary y Lago Sportpark, e Golfcours, Colony y pa no lubida Lago Hospital etc etc.
• E sala cu ta sigui despues lo ta dedica na TUR migrante y TUR e pais/isla for di unda nan a bin pa establece nan mes na San Nicolas Aruba….!
• Ultimo sala lo ta un sala cu algun vision di futuro di Aruba y San Nicolas.
PPA ta convensi cu e vision aki di PPA lo engrandeze e futuro di San Nicolas.
UN BIBLIOTECA MODERNO:
Despues di esaki Lider di PPA sr. Benny Nisbet a pone atencion riba un Biblioteca Moderno pa San Nicolas. El a asplica cu mantene of drecha un edificio NO ta nifica duna San Nicolas algo modern. San Nicolas a ‘outgrow’ e actual Bibliotheca masha tempo y PPA tin tur intencion di duna San Nicolas un ‘Bibliotheca moderno’ cu e atencion pa tur grupo den nos sociedad iniciando di mucha, hoben y esnan Madura.
UN GOLFCOURSE INTERNACIONAL NA SEROE COLORADO:
Lider di PPA a mustra tambe na e vision di PPA di anjas pasa kaba….pa construi un golfcourse Internacional na Seroe Colorado cual lo ta mara maximalmente na 3 hotel(cualnan lo ta excepcion) riba e moratorium cu PPA lo implementa. Ehotelnan aki lo por worde traha durante di DIEZ anja y lo ta mara na strictamente e crecemento laboral di nos pais.
RENOVACION DI SITIO HISTORICO:
PPA lo nombra un commission pa duna gobierno indicacion di cierto sitio pariba di Brug cu por worde usa pa turista por bishita y cu lo tin mester un mantencion pa preparanan pa esaki.
TRANSPORTACION Y TOUR:
Lider di PPA a mustra riba cu PPA lo crea espacio pa un transportacion excepcional entre e stripnan unda turistanan ta actualmente cu ta nos ‘lowrise/highrise hotels’ y nos sitio di cruise cu ta haf di Oranjestad. Bow di PPA lo ta posibel pa desaroya companianan chikito di transportacion basa riba e concepto di ‘streettrolleys’ pero riba wiel cu ta tour grandemente parti pariba di Brug. Tambe PPA lo stimula inversion den un tour di Noord/Oranjestad banda di costa pa San Nicolas tambe.
SAN NICOLAS CONVENTION & EXHIBITION CENTER COMBINA AUDITORIUM:
Como ciudad San Nicolas tambe tin derecho di worde eleva pa e proximo nivel. Y aki PPA ta mira cu San Nicolas tin derecho riba un projecto cu lo ensera tres differente meta.
E.o un San Nicolas Convention Center, Un Exhibition Center y un Auditorium cual lo ta un three in One pero lo eleva San Nicolas den tur sentido di palabra.
CARIBBEAN MUSICAL FESTIVAL/CARIMU FESTIVAL:
Segun PPA San Nicolas tambe tin derecho riba un festival di musica annual. Esaki basa riba musica Caribense. PPA lo organisa esaki basa riba un subsidio di gobierno y contribuiccion di sector priva. Un Instancia lo worde nombra pa organisa esaki anualmente. E festival aki lo worde mercadea den Caribe y den e mercadonan for di unda Aruba ta atrea su musica. E lo mester worde organisa cu un parti substancial di e spinoff economico lo mester bai pa comercio di San Nicolas.
SHIPBUILDING & SHIPSERVICES:
PPA lo respeta e acuerdo cu e actual gobierno a firma cu CITGO/PDVSA. Pero si acaso e transformacion aki no resulta PPA tin su vision pa e tereno Industrial. Esaki lo ta Shipbuilding & Shipservices. Tambe un parti di nos haf lo worde destina e momento ey pa un ContainerHUB destina pa sirbi region pero basa riba un studio cu lo mester worde hasi ainda. Y tambe si encase ta asina un parti di San Nicolas lo mester por crece bai na nos Haf tambe. PPA ta ripiti ……..cu e ultimo parti aki ta solamente valido si e Upgrader no bira realidad.
Entodo caso PPA un vez mas como UNICO partido politico a presenta un ‘AGENDA dedica na desaroyo di San Nicolas’ na pueblo di Aruba.
San Nicolas ta ‘dead as dead can be’…ta ora pa ‘Wake up & smell the coffee’ !! San Nicolas tambe tin derecho…..pesey nos conseho LEVELUP….Switch & vote PPA.
Aruba, 28 di juli 2017 Lider Politico di PPA
BENNY NISBET

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: