KOMUNIKADO DI KUERPO POLISIAL KÒRSOU
167 / 2018
17 aprel 2018

Un detenshon pa maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 8 di aprel 2018, alrededor di 03.45 or, Sentral di Polis a dirigí un patruya na un Klup Nokturno den e área di Saliña pa un kaso di maltrato.
Na yegada di e patruya na e sitio polis a topa ku e víktima, un hòmber, ku un sla na su nanishi. For di un investigashon preliminar ku polis a hasi na e sitio a resultá ku durante di un diskushon ku un hòmber pa motibu ku tabata ferfela su amiganan sexualmente.
Den un bringamentu a surgi e hòmber víktima a haña sla na su nanishi ku e konsekuensia ku esaki a kibra. Dia 17 aprel 2018, a detené hòmber D.O. nasé na Hulanda di 37 aña di edat, komo sospechoso di e maltrato ariba menshoná sintá den avion rumbo pa eksterior.
A presentá e sospechoso dilanti di un Fiskal Ouksiliar ku a ordená su enkarselashon pendiente mas investigashon.