NOS SELEKSHON DI DAMA SENIOR TA RUMBO PA ANTIGUA & BARBUDA PA PARTISIPÁ NA E WOMEN’S CHALLENGE SERIES 2018!
NOS SELEKSHON DI DAMA SENIOR TA RUMBO PA ANTIGUA & BARBUDA PA PARTISIPÁ NA E WOMEN’S CHALLENGE SERIES 2018!
Nos selekshon di dama senior lo representá nos dushi isla durante e Women’s Challenge Series 2018 organisá pa CFU. E torneo aki lo tuma lugá aya na Antigua & Barbuda di 25 pa 29 di aprel próksimo.
Despues di dianan di trainingnan intensivo i un temporada di preparashon ekstenso, awe, djadumingu 22 di aprel, un parti di nos selekshon nashonal di dama senior a biaha 9:15 AM ku Win Air pa Sint Maarten pa despues sigui pa Antigua & Barbuda pa asina kumpli ku nan kompromisonan den e Women’s Challenge Series 2018. E otro parti di nos selekshon ta biaha mañan mainta ku Insel Air pa Sint Maarten pa despues sigui pa Antigua & Barbuda ku Liat.
Huntu ku nos tin 18 pais mas ku lo partisipá na e torneo aki. Total ta forma un grupo di 19 pais ku a keda repartí den 5 grupo ku lo kompetí ku otro na diferente pais di Karibe di 18 pa 29 di aprel.
Nos selekshon ta forma parti di grupo D ku ta konsistí di e siguiente paisnan;
- Antigua & Barbuda
- Guadeloupe
- Kòrsou
E ekipo di Monserrat tambe tabata forma parti di e grupo aki pero lamentabelmente ela retirá for di e kampionato.
Skema di weganan:
| Fecha | Orario | Tim di kas | Bishitante | Lugá | |
| 1 | 25 aprel 18 | 6:00 PM | Guadeloupe | Kòrsou | Sir Vivian Cricket Stadium
(Antigua & Barbuda) |
| 2 | 27 aprel 18 | 6:00 PM | Antigua & Barbuda | Kòrsou | |
| 3 | 29 aprel 18 | 4:30 PM | Antigua & Barbuda | Guadeloupe |
Nos selekshon nashonal di dama senior ta konsistí di un grupo di 20 hungadó ku ta wòrdu dirihí pa Sr. Christopher Jacobus ku ta e entrenadó di e selekshon aki i Sr. Andreas Aitatus ku ta e asistente di e entrenadó.
Tambe ta biaha huntu ku e selekshon Sra. Gwensca Angelica ku ta esun enkargá ku e materialnan, un masahista ku ta Sra. Amaryllis Lichtenberg-Lacroes i e hefe di delegashon ku ta Sr. Stanley Coffy, miembro di direktiva di FFK.
Nos selekshon ta konsistí di e siguiente hungadónan:
- Angelique Antonio
- Curilma Carolina
- Shadé Desir
- Stephenie Djaoen
- Nuhely Emerenciana
- Lindsey Hart
- Rosheny Kastaneer
- Yasmin Levens
- Kadisha Martina
- Sjulieenne Martina
- Goodness Njoku
- Diante Scheepers
- Kiara Snel
- Samantha Statia
- Staygin Stephens
- Ruayna Stroop
- Riesmarly Tokaay
- Naomie Valoriaan
- Saskia van de Mars
- Johanna van Leeuwen
FFK kier a deseá nos selekshon di dama senior tur klase di éksito i tin sigur ku nan lo sa di hasi un bon trabou na Antigua & Barbuda durante e Women’s Challenge Series 2018 organisá pa CFU.
