Eksposishon pa buskadó di trabou dia 3 di mei den Punda Pusha Progreso Den Mundu Laboral Ku Hopi Kambio

Eksposishon pa buskadó di trabou dia 3 di mei den Punda

Pusha Progreso Den Mundu Laboral Ku Hopi Kambio

 

Willemstad – Ministerio di Desaroyo Sosial, Labor i Bienestar ta organisá djaweps 3 di mei 2018 di 9 or di mainta pa 9 di anochi na SOAW un eksposishon informativo ‘Info Expo Pusha pa Progreso den un mundu laboral ku hopi kambio’ pa hende ku ta buska trabou.

E info-expo ta pa informá i inspirá. Hende ku ta buska trabou por atkerí informashon pa engrandesé nan oportunidatnan riba merkado laboral.

Diferente organisashon lo duna informashon o kompartí nan konosementu i/o eksperensia. Lo tin músika durante e info-expo. E aktividatnan di e info-expo ta konsistí di: 16 stènt den Hanchi Vi Coco i Prinsenstraat, 3 peptalk tokante Prevenshon di molèster seksual na trabou pa Jeannette Juliet, Balansa entre trabou i bida pa Nychel Fermin i Empoderamentu pa Donna Philbert, rekorido den Academy Hotel i dos charla ‘Lora Man’ pa Tania Ataoullah i Muhé i Medionan di Komunikashon pa Mavis Albertina.

E meta ta pa: duna informashon, konsientisashon i guia pa trabou. E hendenan ku ta buska trabou por haña informashon tokante e trayektonan di SOAW i serka e otro partnernan di proyekto. Mester bira bon kla pa buskadónan di trabou ku tin vários posibilidat pa aktivá riba merkado laboral, por ehèmpel catering na kas, propio negoshi, trayektonan di siña i traha ku guia. E hendenan ku ta buska trabou por inskribí nan mes pa e produktonan i servisionan di Ministerio di SOAW.

E stèntnan ta di: Autobusbedrijf Curaçao, Academy Hotel, Boekenbank, Fundashon Pro Bario Lagun, Kámara di Komèrsio, Lora man na Ser’i Papaya di Tania Ataoullah, e proyekto Beth di Ministerio di Desaroyo Ekonómiko, e proyekto akogida pa mucha di Ministerio di Enseñansa, Siensia, Kultura i Deporte, e organisashonnan di hende muhé SEDA/Steering Committee, di SOAW: e proyekto mikro finansa, Sektor di Labor, Sektor di Desaroyo Sosial, lokèt pa hoben, ‘Ki bunita kreashon’ di Ramiro Koeiman i SOAW mobil, Technofuture School (SEDA), Total Cleaning, Unidat di Bario – Banko di Vakatura di Boluntario i sentral sindikal STDK.

Pa registrá pa peptalk por yama 434-0379 òf email facilitair.soaw@gobiernu.cw.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: