KOMUNIKADO DI KUERPO POLISIAL KÒRSOU ASESINATO

KOMUNIKADO DI KUERPO POLISIAL KÒRSOU
180 / 2018
25 aprel 2018

Asesinato

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 25 di aprel 2018, alrededor di 00.40 or, Sentral di Polis a dirigí unidatnan di polis pa Kaya Jacob Posner, kaminda tin un hòmber heridá riba tereno di un establesimentu.
Patruya ku a yega na e sitio a topa en bèrdat ku un hòmber drumi riba su lomba gravemente heridá. For di investigashon preliminar ku polis a hasi na e sito, te kaminda esaki tabata posibel i bou di e sirkunstansianan presente, por a mira ku e víktima (un bewaker di e establesimentu) tabatin herida di bala. Dòkter di polis a
konstatá morto di e víktima.
E prosedura ku ta mantené na dje ta, ku ta notifiká famia via e kanal(nan) legal i ofishal promé i despues di esei por hasi e identidat di e víktima públiko.
Riba òrdu di Fiskal di Ministerio Públiko a konfiská e kurpa sin bida di e víktima pa mas investigashon.
Motibu di e aseninato ta den investigashon.
Ta supliká tur persona ku tin kualke informashon di e kaso aki, pa pasa esaki na polis via di number di telefòn 917 òf 108 (riba e number aki bo anonimidat ta garantisá)

BEWAKER ASESINA1 (1)

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: