Parlamentario Mc William ta preokupa pa ku e situashon finansiero di Dierenbescherming.

Parlamentario Mc William ta preokupa pa ku e situashon finansiero di Dierenbescherming.

Resientemente mi a tuma nota ku Dierenbescherming ta konfrontá nan mes ku problema finansiero hopi serio ku lo mester kondusí na seramentu di e fundashon aki ku ta eksistí mas ku 70 aña. Último añanan e fundashon aki a haña hopi kompetensia di fundashonnan ku ta atendé ku tambe e situashon preokupante di kachó i pushi pa loke ta trata donashonnan ku ántes tabata yuda e fundashon mantené su mes. Pero banda di esaki Gobièrnu tambe a bin ta baha e supsidio pa ku e fundashon aki atraves di añanan miéntras ku e situashon di kachó i pushinan bandoná a krese eksplosivamente. Si Dierenbescherming sera su portanan lo tin un problema hopi grandi pa loke trata kaminda pa tene kachónan i pushinan ku ta bandoná riba kaya, pasombra e diferente fundashonnan ku tambe ta yuda ku e problemátiko aki a duna di konosé ku nan no tin espasio mas pa hasi esaki. Esaki ta bai nifiká ku ta bai tin mas kachó i pushi riba kaya aki na Kòrsou ku ta forma un peliger pa palubridat, tráfiko i un bista negativo pa ku turismo.

Den kuadro di esaki sra Mc William a hasi Minister di Salubridat Públiko, Medio Ambiente i Naturalesa sra.Camelia-Römer e siguiente preguntanan:

1. Minister ta na altura di e situashon finansiero aki di Dierenbescherming?

2. Kiko por hasi den korto tempu pa yuda Dierenbescherming mantené su portanan habri?

3. Si ,akaso e fundashon aki sera su portanan kon lo bai hasi atendé ku e avalancha di kachónan i pushi bandoná riba kaya aki na Kòrsou?