Minister Xiomara Ruiz-Maduro ta felicita y gradici: Alumnonan di Scol Basico Washington pa nan bunita presentacion durante Acto Protocolario

Minister Xiomara Ruiz-Maduro ta felicita y gradici:

Alumnonan di Scol Basico Washington pa nan bunita presentacion durante Acto Protocolario

 

ORANJESTAD – E aña aki e alumnonan di Scol Basico Washington a toca e honor pa por canta durante e Acto Protocolario Dia di Himno y Bandera riba Plaza Libertador G.F. Betico Croes. Scol Basico Washington ta e scol basico cu mas alumno aki na Aruba.

 

E coro tabata bao direccion di Linda Flores-Figaroa y asisti pa Sra. Maybelline Arends-Croes, a wordo reforsa pa Coro Tutti Frutti, acompaña pa “Conhunto Alborada”, kendenan a presenta nos himno “Aruba Dushi Tera”, como tambe 4 cantica “Mi Bandera”, composicion di Etty Toppenberg, “Nos Arubianonan” cu letra di Eric Rincones, “Bandera Bunita” cu letra di Digna Lacle y musica di Maybelline Arends-Croes y “E solo ta despedi” cu letra di Digna Lacle y musica di Hildward Croes. 

 

Minister Señora Xiomara Ruiz-Maduro ta felicita y gradici e alumnonan di Scol Basico Washington pa nan bunita presentacion, como tambe tur juffrouw di Scol Basico Washington cu a yuda prepara e muchanan pa nan por a duna un bunita presentacion Dia di Himno y Bandera. Danki tambe na mayornan, Sra. Linda, Juffrouw Maybelline, Coro Tutti Frutti y Conhunto Alborada.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: