Danki na e trabounan inkansabel di ex-minister Steven Martina ku awe nos por papia di un kresemenmtu den turismo ku 300 kupo di trabou pa yu Kòrsou. Lokual ex-minister Martina a indiká
Danki na e trabounan inkansabel di ex-minister Steven Martina ku awe nos por papia di un kresemenmtu den turismo ku 300 kupo di trabou pa yu Kòrsou. Lokual ex-minister Martina a indiká
WILLEMSTAD- Partido MAN ta sumamente kontentu ku e trabounan inkansabel ku ex- minister Steven Martina a bin ta hasi ku awe nos lo bai kosechá e frutanan. Ex-minister di Desaroyo Ekonómiko, sr. Steven Martina a presentá na februari último un resúmen amplio di e reto i desaroyonan ekonómiko ku Kòrsou a eksperensiá durante aña 2018 i a duna un vishon sigui pa un bista riba e perspektivanan ku tin pa ku e aña 2019 riba tereno ekonómiko.
E presentashon aki a keda inisiá reflehando riba tantu e reto komo logronan ku aña 2018 a trese kuné pa nos sektor ekonómiko. E retonan di aña 2018 ku Kòrsou mester a eksperensiá tabata ku efektonan palpabel.
Konsiente di e impakto negativo ku e diferente situashonnan tabata tin riba Kòrsou su ekonomia durante aña 2018 i ku e afan pa trese kambionan positivo den esaki, ministerio di Desaroyo Ekonómiko huntu ku Minister Martina a lansa e Programa di Rekuperashon Ekonómiko. Pa medio di e programa di rekuperashon aki ministerio di Desaroyo Ekonómiko a bin ta traha inkansabelmente riba entre otro e desaroyo di Kòrsou su sektor turístiko durante 2018. Tambe e maneho tabata dirigí riba stimulashon i fasilitashon di invershonnan tantu públiko komo esnan priva, duna mas empuhe na e espíritu empresarial di hendenan lokal mes, i stimulá mikro empresa, empresanan chikí i tambe esnan mediano.
Ex minister Martina a infatisá riba e sektor turistiko ku ta e sektor ku tabatin un kresememntu positivo i ku a premirá ku esaki lo bai oumentá. Steven Martina a kumbiní un programa; “werkend leren” huntu ku sektor privá ku lo perkurá pa 300 hende haña oportunidat pa traha 4 dia pa siman i bai skol 1 dia, ku e garantia pa 1 kupo di trabou na momento ku nan pasa dor di e programa ku éksito. Steven Martina a premirá ku lo bai habri alrededor di 300 kupo di trabou i ku esaki pa fin di aña lo oumentá mirando e tantísimo proyektonan ku ta na kaminda. Ex-Minister Martina durante su presentashon na tur stake-holders den nos komunidat februari ultimo, tabata sumamente positivo ku tin oportunidatnan real pa asina pais Kòrsou por sigui rekuperá ekonómikamente. Tin pa e aña aki diferente proyekto magno ku ya a keda anunsiá i ku konhuntamente atraves di diálogo i kolaborashon ku stakeholders i aktornan lo hasi tur loke ta na alkanse pa esakinan por ta eksitoso. Entre otro a anunsiá e proyekto hotelero Corendon lokual nos konosé komo Holiday Beach Veneto den un kompleho di 800 kamber. Aparte di esaki a kordiná tambe programanan konkreto pa desaroyo di e áreanan di Ref, Zakitó, Kop van Scharloo, Marichi, Caracasbaai, Bullenbaai i diferente otro área. Tambe a inisiá e proseso pa eliminá “Red Tape” di un forma struktural pa asina por duna un trato di “ Red Carpet” na invershonistanan. Esakinan ta djis algun for di tur e tremendo inisiativanan i kontinuashon di trabounan duru ku a bin ta tuma lugá pa loke ta trata ekonomia di pais Kòrsou. Importante ta, pa den e aña aki e esfuersonan kombiná ku koperashon aktivo di komunidat di Kòrsou logra bòltu e kurva negativo den un kurpa positivo i asina alkansá rekuperashon ekonómiko pa Kòrsou. Ku perseveransia i persistensia nesesario i huntu nos kontinuá ku e trabou duru i konsistente por ta sigur ku lo logra.
Partido MAN ta sumamente kontentu ku ex-minster Steven Martina su trabounan, i ta spera ku pronto lo e ta bek pa kontinuá ku e bon trabou ku ela bin ta hasi pa pueblo di Kòrsou.
