Parlamentario: Michelangelo Martines Hulanda ta e Pais Kulpabel ku a hinka Pais Korsou den e buraku ku nos ta awe

Hulanda ta e Pais Kulpabel ku a hinka Pais Korsou den e buraku ku nos ta awe, ( e yu malkria ku ta gasta tur plaka paso e sa ku e por bati na porta di kas di su mama y mesora e mama ta saka saku di plaka dune sin ningun exigensha ) e por ta zona stranjo pero e ta e berdat, Politikonan Dom di tur tempu a Goberna nos Pais di un forma malu, paso nan tin den nan kabes ku kosnan kana malu mes, Hulanda ta spring derbij y hinka miones den kaha di Gobiernu pa trek kos recht bek, Ningun di e Politikonan tradishonal nan aki, tabata tin un vishon of un plan kon pa hasi Pais Korsou Finansieramente independiente for di Hulanda y para riba su mes pia, Nan tur tabata gusta e forma fasil di Goberna Pais kon ku ta numa y laga kos pega, paso Hulanda ta manda sen toch y einan nan por sigi fiesta, horta plakanan di Pueblo pa inrekese nan y nan Famianan, Awe Pais korsou ta ku un COHO hinka den nan stoma pa motibu di e Politikonan Ladron Sinberguensa nan aki, ku nunka tabata tin e Kapasidat y e vishon pa kwe 1 florin hasiele 100 florin.

Ami komo un Politiko nobo ku si tin e Kapasidat y e Vishon di kon pa saka mi Pais dilanti, jamas y nunka por ta na Fabor di un ley asinaki ( COHO ) tapesei Frakshon di KEM a yega na e konklushon ku nos no por paga pa desishonan mal tuma den pasado ku e politikonan ladron sinberguensa bendedo di patria nan aki a tuma den pasado, ta pesei mes nos di Frakshon di KEM ta KONTRA e ley aki den su totalidat, nos rekomendashon mes ora ta bai na Gabinete Pisas pa start un investigashon for di 10-10-10 bini ariba y ban pone Ministernan di turno Responsabel pa tur mal desishonan tuma kaminda Pais Korsou a sufri Daño!!